La Vache!

营业中

休息中

间唔中一次嘅Mrs Wide (请自行翻译成中文）饭聚又到喇，今次都系拣尖沙咀，因为对港九新界嚟嘅「阿太」都好方便。之前冇留意，嚟到La Vache 坐低先知，原来呢度只供应一款套餐，就系沙律、10oz 牛扒、薯条餐，侍应知我第一次嚟，亦用咗带有法国腔嘅英文，愉快地向我解释一次：呢度嘅概念系想带畀大家一个简约嘅法国晚餐，所以客人只需要拣牛扒几熟就得喇，薯条无限供应㗎。朋友即刻话yay！咁我哋唔使拣，留多啲时间倾吓偈啦。我哋几位叫咗牛扒medium rare x 1, medium x 1 , medium well x 2。四块牛扒以铁碟捧上，嚟到就一直用小蜡烛座热保持温度。见牛扒烧到黑黑的，好似㶶㶶地，但食落原来只觉充满焦香，每一口都并发牛油脂，真系超正。薯条亦都好好食，但我胃口唔算大，冇refill喇。饮咗3杯酒，2杯果汁，食埋甜品，4人聚会埋单每人$440，有酒有高质牛扒，食埋甜品，真心不错呀。大家倾完，只系话最好提供埋餐汤，咁就完满喇。