影片
更多
2017-08-18
213 浏览
约咗人嚟到尖沙咀美丽华六楼嘅My Day，呢度系俾新人摆酒或举行宴会嘅地方。如果无包场嘅话夜晚就会提供半自助餐，呢晚我哋就嚟试试。场内色调用浅绿同白色为主，布置充满西式婚宴气氛。除咗大圆台之外，亦有多张长方形台。餐厅仲有户外位，可以俾新人晌呢度举行证婚仪式，而且仲有开扬嘅尖沙咀闹市景。然后就睇睇自助区嘅食物，主要系头盘同沙律，分别有薯仔沙律、红菜头沙律、辣肉肠长通粉同多款冷切肉，另有几款生果、罗马生菜、紫生菜、青瓜、车厘茄、粟米、黑橄榄、鹰咀豆、烟肉干、烘面包粒、芝士粉同四款唔同口味嘅酱汁，俾食客自己调配沙律。肉眼所见，当晚嘅冷切肉至少有五六款。餐厅提供嘅系半自助餐，其中一啲食物系限额嘅、一啲食物就可以去自助区任意享用。入面嘅主菜就系每人一份，价钱由二百几至三百几左右，其中两款儿童餐就唔洗一百，另设加一服务费。海鲜拼盘，分别有龙虾、海虾、翡翠螺、松叶蟹脚同青口，数量方面系按人数发放。当晚嘅龙虾几大只，翡翠螺肉厚弹牙，青口嫩滑，松叶蟹脚鲜咸，其余四款嘅质素唔错，如果可以任食就好喇。另外，仲有面包多士。自助区嘅冷切肉几香口，我最钟意加咗彩椒同黑椒𠮶两款。蔬菜都几爽嫩，而生果类嘅菠萝、哈密瓜
约咗人嚟到尖沙咀美丽华六楼嘅My Day，呢度系俾新人摆酒或举行宴会嘅地方。
如果无包场嘅话夜晚就会提供半自助餐，呢晚我哋就嚟试试。
场内色调用浅绿同白色为主，布置充满西式婚宴气氛。
除咗大圆台之外，亦有多张长方形台。
餐厅仲有户外位，可以俾新人晌呢度举行证婚仪式，而且仲有开扬嘅尖沙咀闹市景。
然后就睇睇自助区嘅食物，主要系头盘同沙律，分别有薯仔沙律、红菜头沙律、辣肉肠长通粉同多款冷切肉，另有几款生果、罗马生菜、紫生菜、青瓜、车厘茄、粟米、黑橄榄、鹰咀豆、烟肉干、烘面包粒、芝士粉同四款唔同口味嘅酱汁，俾食客自己调配沙律。
肉眼所见，当晚嘅冷切肉至少有五六款。
餐厅提供嘅系半自助餐，其中一啲食物系限额嘅、一啲食物就可以去自助区任意享用。入面嘅主菜就系每人一份，价钱由二百几至三百几左右，其中两款儿童餐就唔洗一百，另设加一服务费。
海鲜拼盘
26 浏览
0 赞好
0 留言
海鲜拼盘，分别有龙虾、海虾、翡翠螺、松叶蟹脚同青口，数量方面系按人数发放。
海鲜拼盘
14 浏览
0 赞好
0 留言
当晚嘅龙虾几大只，翡翠螺肉厚弹牙，青口嫩滑，松叶蟹脚鲜咸，其余四款嘅质素唔错，如果可以任食就好喇。
另外，仲有面包多士。
冷切肉
9 浏览
0 赞好
0 留言
自助区嘅冷切肉几香口，我最钟意加咗彩椒同黑椒𠮶两款。蔬菜都几爽嫩，而生果类嘅菠萝、哈密瓜同火龙果都几香甜多汁。餐汤方面，呢晚系青豆汤，质感都几creamy。
然后就上主菜嘅美国顶级肉眼扒，餐牌写有十安士重，仲用露笋、炒杂菌、沙律同薯条伴碟，同埋跟咗黄芥辣、茄汁同烧汁点嚟食。
法式烧乳猪配法国血橙烧汁，伴碟嘅甘笋同加咗番茄酱嘅杂菜有解去肉类腻感嘅作用。
餐饮就拣咗热柠茶，餐后饮几消滞。
甜品拼盘
12 浏览
0 赞好
0 留言
食完主菜，侍应就拎咗一份甜品拼盘嚟，同海鲜拼盘一样每款嘅数量都系按人数发放。呢个拼盘有啲似英式下午茶，卖相讨好。
甜品拼盘
5 浏览
0 赞好
0 留言
甜品名系我凭外观同味道嚟估，纽约芝士蛋糕、蓝莓芝士蛋糕口感滑；布朗尼入面有榛子果仁，朱古力味浓郁中带甘涩；绿茶蛋卷嘅绿茶味唔重，但口感唔错；原味同绿茶曲奇细细件咁，都几松脆。
甜品拼盘
15 浏览
0 赞好
0 留言
椰汁奶冻香滑；芒果布甸质感唔硬，几唔错；焦糖炖蛋甜味唔高；杞子桂花糕整到成个心形，味道清清甜甜；啫喱糖就色彩缤纷。
（附上影片，openrice要电脑桌面版先可以睇到）
张贴
