Neko 熊穴

营业中

休息中

近排开始多咗时间，想揾啲海边嘅或者休闲啲嘅餐厅，叹番杯茶或者咖啡，好好享受我嘅假日晏昼🥰最近我个friend介绍咗我呢间「Neko熊穴」，食完就发现非常有惊喜😎Neko熊穴氛围非常之休闲，好啱假日想过啲慢节奏嘅下午，可以望吓过海又食好嘢😚餐厅内部环境都非常日系，简洁得来好有亮点，加上佢嘅食材几乎全部都系来自日本，果然好有心机😍今次我叫咗个全日班戟荟加伯爵茶，佢地个pancake同出边唔太一样，唔系松软空气感嘅 偏有口感d 比较薄嘅，仲有黑松露炒蛋，口感软滑，而且香味十足，配搭埋酸甜嘅车厘茄，仲有啲咸香嘅菇，简直系滋味满泻😋伯爵茶嘅茶叶喺日本入口，闻落已经非常之清香，饮落好有余韵，入口啲香气已经充斥成个口腔，果然好有质素，配搭埋香香甜甜嘅班戟，简直冇得弹❤️今个晏昼简直系well spent，难得发掘到呢啲咁高质嘅餐厅，迟啲又会再嚟encore☺️