影片
更多
2016-10-10
2484 浏览
铜锣湾好多餐厅都满座或要排长龙，可能系新开无耐嘅关系，澳门逸园中心嘅New York Diner就无乜人，不过坐低无耐都有六、七成满。装修系比较摩登嘅感觉。我觉得呢个高身台系整间餐厅中最有特色嘅，天花板上仲挂咗倒转嘅楼宇模型。呢度嘅美国菜以汉堡包同扒类等偏向多肉类嘅菜式为主，我哋最后叫咗$428（未计加一）嘅二人晚餐嚟试试。是日餐汤系杂菌忌廉汤，质感非常浓稠，杂菌碎比例唔多，不过都够味。脆炸鱿鱼圈，就咁睇餐牌以为纯粹只有鱿鱼圈，实际仲有鱿鱼须。表层炸浆唔平均，不过鱿鱼肉弹牙。另外两种酱，白色𠮶款几酸香讨好。太平洋海鲜薄饼，配料有虾肉、墨鱼仔、鱿鱼圈、青口、杂菌、车厘茄同豆苗，芝士适中，菇菌味较浓，番茄酱味似被完全盖过。批底方面就较松，我哋比较偏好薄身脆口𠮶种质感。纽约客烤肉眼扒，我哋拣咗五成熟。肉眼扒厚身，外层焦脆度唔强，本身调味唔算浓，但肉质松化，可以点少少烧汁嚟食。底下就有意大利青黄瓜（西式版翠玉瓜）、烤番茄同炸薯角配茄汁，食得太多肉类，绝对需要蔬菜嚟中和一下。海洋梳打，𠮶两条鲸鱼（其实系软糖）似晌海洋畅泳紧咁，非常吸睛。入面仲有鲜蓝莓、柠檬片同椰果，系偏甜嘅梳打特饮嚟。草莓柚子沙
铜锣湾好多餐厅都满座或要排长龙，可能系新开无耐嘅关系，澳门逸园中心嘅New York Diner就无乜人，不过坐低无耐都有六、七成满。
装修系比较摩登嘅感觉。
我觉得呢个高身台系整间餐厅中最有特色嘅，天花板上仲挂咗倒转嘅楼宇模型。
呢度嘅美国菜以汉堡包同扒类等偏向多肉类嘅菜式为主，我哋最后叫咗$428（未计加一）嘅二人晚餐嚟试试。
是日餐汤系杂菌忌廉汤，质感非常浓稠，杂菌碎比例唔多，不过都够味。
脆炸鱿鱼圈，就咁睇餐牌以为纯粹只有鱿鱼圈，实际仲有鱿鱼须。表层炸浆唔平均，不过鱿鱼肉弹牙。另外两种酱，白色𠮶款几酸香讨好。
太平洋海鲜薄饼，配料有虾肉、墨鱼仔、鱿鱼圈、青口、杂菌、车厘茄同豆苗，芝士适中，菇菌味较浓，番茄酱味似被完全盖过。批底方面就较松，我哋比较偏好薄身脆口𠮶种质感。
纽约客烤肉眼扒，我哋拣咗五成熟。肉眼扒厚身，外层焦脆度唔强，本身调味唔算浓，但肉质松化，可以点少少烧汁嚟食。底下就有意大利青黄瓜（西式版翠玉瓜）、烤番茄同炸薯角配茄汁，食得太多肉类，绝对需要蔬菜嚟中和一下。
海洋梳打，𠮶两条鲸鱼（其实系软糖）似晌海洋畅泳紧咁，非常吸睛。入面仲有鲜蓝莓、柠檬片同椰果，系偏甜嘅梳打特饮嚟。
草莓柚子沙冰
23 浏览
0 赞好
0 留言
是日甜品。餐厅嘅食物份量适中，多数以肉类为主，配菜嘅薯角占只碟一半，满满嘅淀粉质，食完其实几饱。
张贴
