陳新記

营业中

休息中

打风过后嘅星期六book台食海鲜加工庆祝埋生日。最紧要留定餐牌无嘅招牌红豆西多士。老板仲提示可以下次whatsapp预留。系楼下最多人果间稳记买哂所有嘢上黎加工，好nice嘅老板娘同我地一齐倾下点整。每样𩠌都整得好好味，尤其老板娘介绍嘅姜葱炒龙虾，感觉到龙虾应该有先油泡再炒，好正又创新其他𩠌都好好食，椒盐鲍鱼食落依然好嫩。蛏子用左秘制酱皇去炒，有浓香嘅豉油味。招牌鱼蛋够爽脆。最正系menu上无嘅红豆一口西多士，有满满红豆粒，仲加左大量花生酱同练奶，极度邪恶卖相又好吸睛老板娘送西多士过黎时仲同我地一齐好开心唱生日歌，难怪呢间铺被称为网红大排档，好识做生意。下昼两点先到已经全场爆满，走果时都系full house。最后食到饱哂好满足咁捧住个肚走。