盔匠

营业中

休息中

平日經過石門，見到呢間店舖成日門口都有一堆人等緊，所以冇買嚟食， 費事等。今日星期六，四點鐘經過，咁啱得好少人喺門口，咁就行去睇下，老闆話現貨有 酸菜肉餅或者韭菜肉餅，我哋揀咗韭菜肉餅，$25一件，唔使等。熱辣辣用個紙袋入住，個皮夠薄， 脆卜卜 有少少燒焦嘅香味 ，同埋個餡都算 幾好味，有啲肉汁，韭菜都多，大約七成韭菜，三成碎肉，入面冇咩肥肉， 啱香港人口味，唔係太鹹，食完都冇要飲水嘅感覺，都幾真材實料，值得一試。 佢有其他食物例如燴番薯 ，但係 應該天氣再凍啲，就受歡迎啲，我哋冇買嚟試。