極上牛気 (圍方)

营业中

休息中

😁 星期日下午 lunch時間嚟，都要等大半個鐘，近門口就係攞嘢食嘅位置再行入啲仲有好多座位， 相距攞嘢食位置比較遠 ，要行多兩步。我哋坐卡位，位置都算闊落，三大一細 嗌咗最平嗰個餐， 人均消費大約200蚊，最吸引有唔同嘅熟食，豬軟骨，咖哩魚蛋， 榴槤炸彈 等等，仲有小朋友最喜歡嘅棉花糖機，飲品， 軟雪糕任攞， 仲有響鈴炸魚皮等， 質素同其他分店牛氣一樣。 埋單之後，發現原來有99蚊定量餐(平日)，唔可以任意加肉 (好似係包一碟肉)， 如果只食出面嘅熟食同埋其他火鍋配料都算幾抵，啱曬啲唔係太鍾意食肉嘅人。