Nina Patisserie

营业中

休息中

为左庆祝特别日子，一早系Nina Patisserie中环街市分店订左个蛋糕，不过去荃湾西如心酒店分店出货，等职员送上酒店房食用。呢个系小蛋糕版本。焙茶黑糖麻糬拿破仑15cm $688Nina Patisserie拿破仑好似几出名。呢款焙茶黑糖麻糬味道非常创新，当然要试试。呢款仲有12cm，价钱就会系$368。拿破仑酥皮有三大层，入面夹住好多焙茶吉士，面层外围有白色糖霜，都有一行焙茶吉士，铺上一片薄薄朱古力，再加上花瓣，朱古力珍珠波波同金箔装饰。一切落去，听到切酥皮既酥脆声。首先焙茶吉士分量超多，真系又浓又香焙茶味，口感非常滑溜，好正！中间有细细粒黑糖麻糬就似啫喱多d，完全无麻糬既烟韧口感，名不副实。酥皮都算脆，不过个人觉得可以更酥脆，之前食过Rostini出品就更出色。但系焙茶吉士实在系太出色，而且焙茶拿破仑出面食唔到，所以加返分。附送朱古力牌乙个，好脆口，牛奶味够香。分量上都够8-10人食，我一个人食左两大件已经饱到夜晚都食唔落。用大袋同大盒包装得好好，仲有两只碟同刀叉同蜡烛。