Noc Noc

营业中

休息中

今次去咗大埔Noc Noc 食晚餐，先唔讲食物，Bar款式暗暗嘅环境已经吸引到我，我知道我可以喺依个轻松嘅环境放松一下。直入主题，身为鸡翼怪嘅我，我就先点咗鸡翼三重奏做开胃菜，而依三款鸡翼分别系原味、芥末同烧烤酱。脆炸嘅鸡翼香口而且味道浓郁，再受三种味道刺激，我谂之后嘅主菜就完全冇问题。主菜方面，我哋叫咗车打芝士烟肉牛肉汉堡同卡邦尼意粉。汉堡一上枱𠮶刻我吓到窒咗窒，佢嘅厚度梗系一啖咬唔晒喇，但佢啲牛肉系有啲质素，非常Juicy，绝对推荐依个汉堡，配菜嘅薯条都炸得好香脆同埋厚实。卡邦尼意粉比起出面嘅浓郁，唔知系咪考虑过客人饮酒之后味觉迟钝，对唔饮酒嘅我尚算接受到。