影片
更多
2019-08-01
123 浏览
#忆食尚腊味煲仔饭 (尖沙咀)尖沙咀亚士厘道22号好利时大厦地下-----呢间餐厅行欧陆装修风格 以类近Tiffany blue嘅颜色作为餐厅色彩主调 望落非常吸精 令B仔同朋友误以为佢系西餐厅 入去坐低之后 认真望一望餐牌先发现 原来呢度系食广东菜 出名食煲仔饭嘅 真系完全估佢唔到 第一次见环境咁高级嘅煲仔饭餐厅 同传统嘅街坊feel煲仔饭完全唔同感觉 虽然睇相啲煲仔饭好似唔错 但由于天气太热 所以B仔同朋友都一致决定煲仔饭留返下次先食 今次试吓佢其他食物先-◆XO酱鲍鱼伴面（$88）鲍鱼唔算好大只 但系鲍鱼味道颇浓 呢个价钱来讲 鲍鱼质素可以接受 XO酱同伴面嘅分量都非常多 XO酱辣香味突出 但食落又唔太辣 有好多瑶柱丝 捞落弹牙嘅面条入面 二个字 惹味！😁-◆手工黄金面四件（$48）炸完之后嘅黄金面就好似佢个名咁 呈黄金色 口感半脆半软 点埋佢自家调制嘅酱汁食 感觉好似潮州嘅糖醋面 酸酸甜甜 几开胃 😊-◆双味腊肠贝壳包四件（$48）店员话俾我哋知 呢间餐厅其中一个卖点系 佢哋拥有自家农场所有腊肠都系以自家放养嘅土猪制成 同普通以饲料猪制成嘅腊肠味道并唔一样 所以即使唔试煲仔饭
尖沙咀亚士厘道22号好利时大厦地下
-----
呢间餐厅行欧陆装修风格 以类近Tiffany blue嘅颜色作为餐厅色彩主调 望落非常吸精 令B仔同朋友误以为佢系西餐厅 入去坐低之后 认真望一望餐牌先发现 原来呢度系食广东菜 出名食煲仔饭嘅 真系完全估佢唔到 第一次见环境咁高级嘅煲仔饭餐厅 同传统嘅街坊feel煲仔饭完全唔同感觉 虽然睇相啲煲仔饭好似唔错 但由于天气太热 所以B仔同朋友都一致决定煲仔饭留返下次先食 今次试吓佢其他食物先
-
◆XO酱鲍鱼伴面（$88）鲍鱼唔算好大只 但系鲍鱼味道颇浓 呢个价钱来讲 鲍鱼质素可以接受 XO酱同伴面嘅分量都非常多 XO酱辣香味突出 但食落又唔太辣 有好多瑶柱丝 捞落弹牙嘅面条入面 二个字 惹味！😁
-
◆手工黄金面四件（$48）炸完之后嘅黄金面就好似佢个名咁 呈黄金色 口感半脆半软 点埋佢自家调制嘅酱汁食 感觉好似潮州嘅糖醋面 酸酸甜甜 几开胃 😊
-
◆双味腊肠贝壳包四件（$48）店员话俾我哋知 呢间餐厅其中一个卖点系 佢哋拥有自家农场所有腊肠都系以自家放养嘅土猪制成 同普通以饲料猪制成嘅腊肠味道并唔一样 所以即使唔试煲仔饭 如果有兴趣嘅话 都建议我哋可以试吓佢哋嘅腊肠 果然试完之后 发现佢哋嘅腊肠的确出色 广东腊肠带有酒味 7分瘦3分肥 腊肠味超级浓郁 完全无油腻负担感 食完有令人想买一盒腊肠返屋企嘅冲动 而川味腊肠就辣辣地 有啲似西班牙辣肉肠嘅感觉 B仔个人就更钟意广东式嘅味道😊 （腊肠太正 B仔挂住食 竟然唔记得影相😢😢希望大家原谅我）
-
◆霸王葱油鸡 （例牌-$98）葱油调味到位 唔太咸亦唔太油 鸡一食就知系走地鸡 肉质紧实同普通冰鲜鸡完全唔同质感 望落虽然细细碟 其实食落份量都几多 😆
-
◆板鸭萝卜煲（$88）初初食嘅时候汤底好清甜 带少少咸味 但系由于板鸭本身带咸味 系汤度浸得太耐 会令板鸭嘅咸味出晒嚟 所以令到之后饮嘅时候 汤有少少偏咸 建议趁热趁新鲜 一上台就好尽快饮晒佢😂
-
◆御发膳粥（$58一碗/$118一煲）材料好丰富 有黑米 黑芝麻 莲子 杂粮 蕨麻 核桃等等 食落好养生 好暖胃 而且不太甜 令人食完感觉舒服😋
-----
👶🏻B仔整体评价：7.9/10个👍🏻
👶🏻B仔抵食程度：7.5/10个👍🏻
👶🏻B仔环境评分：8/10个👍🏻
👶🏻B仔味道评分：8/10个👍🏻
👶🏻B仔回头机会：8/10个👍🏻
张贴
