大久保日本料理 (已結業)

香港饮食业百驹竞走，有真洋鬼子，自有假洋鬼子；真东洋鬼子有拥趸，假东洋鬼子也有佢o既客路。日式放题黎讲呢间都算企得好稳，你点弹佢都好，继续生存就系最佳辩护嘛！赞定闹都要睇你俾左乜野价钱丫马！午间放题＄４８加一，有时重有九折，老人家童细路仔半价。老实讲，有少少常识都知道一定唔会系正宗日本野，求其有少少型似都收得货啦！帮趁大久保都有十次八次！每次都系带Ｄ侄仔甥仔上来，甚么寿司手卷鸡翼串烧，都系细路仔中意食o既野，唔算顶级，都总算入得口，味道ＯＫ，送个牛奶雀巢甜品，有时系雪糕，有时系奶酪，有时系哩，净呢ＰＡＲＴ都值几银野啦！食到饱饱，食完未试过肚疼。人均几十皮，想点？带个大食肥仔去，直头有赚添！o得Ｄ细路仔开心，即系自己开心，都值番晒啦！