Oasis Bar & Grill (已結業)

诺士佛台除咗饮嘢，仲有呢间寛敞而且喺同一空间做到装修风格各异嘅餐厅。踏入门口系型格嘅暗黑feel，再入啲有自然风嘅鸟笼座位，甚具特色，食物亦具水准。𖦹 炭烤西班牙栗饲猪胺伴时令蔬菜 焦糖苹果蓉 $288猪胺烤得恰到好处，唔会过干或硬，依然有肉汁，配上甜甜嘅焦糖苹果蓉，两者一咸一甜，竟出奇地合衬。𖦹 酥炸原只软壳蟹蟹肉蟹膏意大利饭 $228软壳蟹份量十足，酥脆可口，意大利饭吸尽蟹嘅鲜味，伴匀蟹肉同埋蟹膏，滋味无穷。𖦹 荷兰铁锅班戟配焦糖香蕉、朱古力酱及云呢拿雪糕 $98以原只铁锅上碟，令班戟keep住热，蛋香四溢、松软，配上香甜脆口嘅焦糖香蕉，非常不错。唯一系云呢拿雪糕味道比较似奶粉，我自己麻麻地。𖦹 peach ice tea $88以白桃蓉、柠檬汁、红莓汁等制成嘅mocktail清新怡人，饮落好似杏脯味。