Ocio (煙廠街) (已結業)

第一次嬲到要写食评，希望大家唔好步我中伏嘅后尘。星期日下午茶时间见到呢间有刨冰食就入去试下，点知食到一肚气。我地两个人，入座之后店员提醒用餐时间系一小时。叫左个抹茶红豆窝夫tea set, 见跟餐饮品唔太吸引，就补$15转左芒果沙冰。窝夫正常，但沙冰淡贸贸得少少糖水味 (忘记左影相，不过同其他食评影嘅一样样)个玫龙蜜瓜沙冰简直垃圾，几粒蜜瓜又唔甜，得萤光绿色死甜糖浆，啲冰仲要硬到结成一大旧。最初都勉强可以用叉督开嘅，食到后来系同雪柜拎一旧大冰出黎冇分别。同负责人讲啦，佢仲要话系”正常化学现象”，食物冇问题，讲讲下又话如果食唔到就帮我地整融佢，食刨冰等佢融左先食真系第一次。𠮶位负责人全程态度非常差，不断重复话系正常化学现象，又话未试过有人投诉，虽然最后都系免左个冰嘅钱，但系经历十分不愉快，一定冇下次帮衬。