影片
更多
2010-04-04
377 浏览
第一次去坪洲, 四围影相 + 食o野!!睇苏Good介绍，试了快车茶餐厅！一行十二人，由于一早订咗位同叫咗𩠌，所以一坐低叫起菜就有得食!!笼仔糯米蒸虾 - 叫咗一斤虾，虾肉好爽，糯米饭好干身好好味！家乡豆卜 (鱼汤底) - 豆卜好好食，不过汤底麻麻，好油腻。枝竹炆狗仔鸭 - 系落单时候阿姐强烈推介的，鸭肉较「鞋」，但系枝竹超好食，如果可以加多啲枝竹就更好！陈皮蒸鲍鱼仔 - 好新鲜，水准之作。咕噜猪颈肉 - 比想像中好，甜酸度适中，啖啖肉。客家盐水鸡 - 又系水准之作，唔会太咸，鸡肉超滑。芝士鲜鱿球 - 麻麻，鱿鱼炸过，伊面加埋芝士好腻，每人都系试咗小小伊面。蒜蓉炒生菜蒜蓉炒通菜红豆沙 (送) - 虽然系送嘅，但系都好好味，甜度适中。十二个人连埋炒菜总共叫咗十个𩠌，啱啱好唔会浪费，整体嚟讲各样嘢都ok，不过略嫌太迫，坐得唔够舒服。记得要一早订台同埋叫𩠌，因为海鲜一定要预早留定，如果唔系随时冇得食。佢哋嘅服务都几好，有讲有笑的，仲肯帮我哋揸机影大合照。
睇苏Good介绍，试了快车茶餐厅！一行十二人，由于一早订咗位同叫咗𩠌，所以一坐低叫起菜就有得食!!
笼仔糯米蒸虾 - 叫咗一斤虾，虾肉好爽，糯米饭好干身好好味！
家乡豆卜 (鱼汤底) - 豆卜好好食，不过汤底麻麻，好油腻。
枝竹炆狗仔鸭 - 系落单时候阿姐强烈推介的，鸭肉较「鞋」，但系枝竹超好食，如果可以加多啲枝竹就更好！
陈皮蒸鲍鱼仔 - 好新鲜，水准之作。
咕噜猪颈肉 - 比想像中好，甜酸度适中，啖啖肉。
客家盐水鸡 - 又系水准之作，唔会太咸，鸡肉超滑。
芝士鲜鱿球 - 麻麻，鱿鱼炸过，伊面加埋芝士好腻，每人都系试咗小小伊面。
蒜蓉炒生菜
蒜蓉炒通菜
红豆沙 (送) - 虽然系送嘅，但系都好好味，甜度适中。
十二个人连埋炒菜总共叫咗十个𩠌，啱啱好唔会浪费，整体嚟讲各样嘢都ok，不过略嫌太迫，坐得唔够舒服。
记得要一早订台同埋叫𩠌，因为海鲜一定要预早留定，如果唔系随时冇得食。
佢哋嘅服务都几好，有讲有笑的，仲肯帮我哋揸机影大合照。
张贴
