影片
更多
2016-04-29
1344 浏览
龙城之友的我, 前两篇写开食蛋糕, 即刻想起龙城之宝之一: "豪华饼店".好多人"细细个"就帮趁开的'豪华', 屹立于衙前围道与福佬村道交界, 一睇啲"咁"嘅店面, 大家都估到系'好嘢'!!今早晨早流流'到此一游', 因为早阵子同兄弟们讲开以前总有一、两间响大家屋企楼下的旧式面包饼铺执吓一间执吓又多间咁快要BYE晒喇~ 讲开旧饼, 话说"豪华"点都有少少江湖地位啩~ 所以想买来和大家分享, 请佢哋食早餐, 谂起都开心! 同班'兄弟'相处咁耐, 大家日日一齐食lunch、平时又会不定时轮流买吓零食、买吓手信大家分享都真系几好感情, 好温馨呀~ 有时休几日长假就好挂住大家...写写吓又写多咗~ 豪华。。。早几年的平日经过, 有时都会排吓队买吓它的出名酥皮蛋挞食、 有时又会食吓佢个果占菠萝包、 花卷, 都算是回忆中的好味道. 今早来到, 依旧系眼濶肚窄, 人少少又想买多多, 讲明'分享', 当然要买多啲俾人拣吓~ 好, 一于买两个包, 几件西饼, 。。。。。。顶~ 晨早流流发恶梦, 恶梦开始了~首先, 我经常强调: 做店员的, 无论卖衫裤/卖金/卖食物/卖鱼卖菜/饮食业企堂..
好多人"细细个"就帮趁开的'豪华', 屹立于衙前围道与福佬村道交界, 一睇啲"咁"嘅店面, 大家都估到系'好嘢'!!
今早晨早流流'到此一游', 因为早阵子同兄弟们讲开以前总有一、两间响大家屋企楼下的旧式面包饼铺执吓一间执吓又多间咁快要BYE晒喇~ 讲开旧饼, 话说"豪华"点都有少少江湖地位啩~ 所以想买来和大家分享, 请佢哋食早餐, 谂起都开心! 同班'兄弟'相处咁耐, 大家日日一齐食lunch、平时又会不定时轮流买吓零食、买吓手信大家分享都真系几好感情, 好温馨呀~ 有时休几日长假就好挂住大家...写写吓又写多咗~
豪华。。。早几年的平日经过, 有时都会排吓队买吓它的出名酥皮蛋挞食、 有时又会食吓佢个果占菠萝包、 花卷, 都算是回忆中的好味道. 今早来到, 依旧系眼濶肚窄, 人少少又想买多多, 讲明'分享', 当然要买多啲俾人拣吓~ 好, 一于买两个包, 几件西饼, [唔该阿姐!]。。。。。。顶~ 晨早流流发恶梦, 恶梦开始了~首先, 我经常强调: [你尊重人/人尊重你!] 做店员的, 无论卖衫裤/卖金/卖食物/卖鱼卖菜/饮食业企堂...诸如此类...我都劝勉大家: [人家揾的是辛苦钱, 由朝企到晚, 体谅吓佢哋, 尊重吓人家, 唔好对人白鸽眼, 你好人好]...etc...etc...睇开我食评的各位, 应该都会睇过类似的'互勉之'内容, 我主张以礼相待, 入门好/上车好, 叫声Hello/早晨, 你好我好大家好! 今日, 一入店已经见到平日𠮶两位'双宝'阿姐X口X面, 讲真, 十次有八/九次都系咁, 我都惯晒, 总之, 妳系咁做人, 唔代表我要被妳影响, 我做番自己, 用对人应有的良好态度对各位, 就是好声好气同佢哋讲: [早晨! 唔该一个果占菠萝包 、一个肠仔包...]
今次招呼我的是细细粒阿姐, 照旧一贯的唔好态度"招呼/呼喝"我, 我都惯啦, 我是我, 阿妈教落: [礼多人不怪], 好声好气同佢落埋个柯打: [唔该另外我想要一件花卷、一件合桃牛油、 一件提子牛油、一个合桃杯cake、两件卷蛋、两件朱古力三角.] 我反正都系谂住买'几件西饼', 无所谓几多件, 多有/多买/多食, 每人食多件有咩所谓, 早餐食唔晒咪下午茶食过啰, OK!!
执执吓, 喂~唔对路, 牛油方cake同卷蛋放入去就梗系ok啦, 四平八稳, 但系放完件合桃杯cake就有问题, 已经无咩位剩, 我以为佢有咩'特异功能'放到余下三件入盒, 但见佢塞完件花卷, 真系无可能塞到两件朱古力三角, 三角肯定被'移平'啦! 于是我同阿姐讲: [满到咁, 可唔可以要少件?], 佢即刻好差口气话: [一早讲明系八件我至俾呢个盒你!] 我知, 呢个系平时买八个蛋挞个盒, 所以要八件西饼至有呢个盒?! 但个盒咁袖珍咁扁真系无晒位㖞, 件朱古力三角点睇都放唔到入去啦...咁另外个大只阿姐又凶神恶杀, 我真系睇见都想快啲松人, 于是说: [勉强冇幸福, 件饼放入去烂硬, 就咁7件啦. 另一件揾袋装开啦, 自己食啫...] 大佬呀, 其实妳哋系帮老板卖嘢的售货员? 定系家族生意妳哋系倒米亲戚? 有无人话到俾小妹知咩渊源?
可能我唔系发哥佢哋唔会好态度? 但无街坊无妳哋啦, 互相支持啫! 妳当日陷入"地沟油" 事件, 全靠大家街坊不记前嫌的支持 (为免openrice话无证明不可出post, 所以refer番: https://www.youtube.com/watch?v=5byYZgxtDyI 及 http://www.metrohk.com.hk/index.php?cmd=detail&id=243615 禁强冠油:名单上亦有不少知名食府，包括九龙城豪华饼店等。) 我话晒都是其一支持者, 相信妳店只是一时错手, 间中仍有帮趁, 妳又用番啲咩态度对待我哋不离不弃的街坊呢? 尤其是我自问从来对妳们都是礼礼貌貌好声好气! 我知, 我唔系由学生年代著住校服走嚟帮趁妳, 唔通因为我唔系'熟客'妳唔系睇住我大我就要受吓气? 但大大话都见过百几二百次, 妳哋真系唔觉得我都系几长情? 肯长期'受气', 系'好客仔'一个?! 揾次好少少得唔得? 唉, 算把啦, 自己"lo-呢-煎"... 抵呀!!!!!!!!
盒嘢一亮相, 兄弟们都'起哄'话个纸盒好正! 真系'受'完都消番气~
我一早'响'咗: 迫到啲饼可能有少少碎, 大家都话: [无所谓!] 而幸好未有太多损失, 至多是唔好睇啫.
其实阿姐妳有无谂过件饼话晒都要成8蚊, 点解我要俾8蚊买件'解体'饼?!
其实烂饼都唔系第一次, 上次买大卷蛋, 佢又俾一个方型扁饼盒出嚟装, 即系又系那个装圆型三文治蛋糕盒, 喂~ 明明个大卷系圆卜卜涨辘辘的, 回去变成扁塌塌, 亦有少少爆开...我明, 成本问题, 旧饼铺未必有能力去印好多款Size纸盒, 所以一盒多用, 但, 大家谂一谂啦, 俾到$95蚊一条大卷蛋, $8蚊一件西饼仔, 系咪好平? 系咪真系蝇头小利到妳无多余成本去出多个盒? 大卷蛋话晒都系妳另一个名物真系唔可以有个高身少少的盒寺载? 定妳悭制作成本袋埋入袋都好合理? 而街坊咩都'将就'你吧! 成日都'老店'前'老店'后, 可能大家都宠坏了一些老店成为了老奉. 讲番件饼, 其实点解我条题要起: [OK嘅, 唔食无损失!] 系因为'儿时味道'几时都有影响大家的情绪加晒分, 当'大个'食番成日觉得'以前好食啲', 唔多唔少系因为人大了, 食多咗好嘢, 食番转头会识分质素. 唔系食物本身制作差咗. 好似呢度所谓驰名蛋挞, 其实蛋无蛋味, 酥皮亦普通, 未食过长沙湾'新华'唔知原来水准系咁大分别; 又好似呢件饼, 今日食落去, 只觉几种蛋糕的味各自唔突出, 朱古力味是假朱古力味, 奶油唔系靓奶油, 食完件饼有少少'浪'住的感觉, 咁少'奶油'都咁腻, 玩过吓烘焙的我不暗又谂喇...[究竟又系咩嚟呢?] 睇番人家食评又睇到去'Supersupergirl 写的Smelly Margarine'......算~ 唔好谂落去喇...
(俾OK唔俾喊面系因为间中食吓啲包都OK嘅, 至少佢唔系出软塌塌包或者空心包, 同埋'老店'我想佢好唔系想佢折, 希望佢仲有反省的一日虽则都几难~ 唯望两位黑面阿姐早日揾大钱早日退休妳好我好大家好~)
张贴
