檸可遇見

营业中

休息中

喺京瑞二期地下𠮶层，都几方便，纯粹经过又钟意饮柠檬茶就试试。间嘢唔止有茶饮，仲有小食，睇落价格都几抵。我谂石门多食肆，应该竞争都大啦！呢日冇试到小食，净想饮嘢，直接问店员最出名或者最欢迎系边杯饮品，店员指一指menu上嘅鸭屎香话最多人叫呢只，于是就order咗一杯香水柠檬鸭屎香喇。嫌茶底淡咗啲，个人钟意比较浓嘅茶香，但都有鸭屎香茶味嘅，只系淡，而杯内有唔少柠檬，所以柠檬香系够嘅。因为第一次帮衬啦，所以都公平啲补返句先，唔知系咪咁啱今次茶底淡咗！但要赞嘅系超级大杯，好耐冇遇过咁大杯茶饮，原本打算独力KO，但最后要老公接力，可能因为啱啱食饱饭！综合各方面算系中规中矩啦！