影片
更多
2010-11-26
71 浏览
即庆去大中华饭店, 唔系假期及假期前夕, 成8点几差不多9点, 都仲有好多人等位. 同场加映, 有人自峙熟客, 要求打尖, 饭店亦因应佢要求俾佢打尖, 由于打尖嘅人系4个样貌几凶恶嘅男人同埋都系打算求其食餐饭, 我决定忍佢, 好彩唔系等太耐. 不过, 问过我地可唔可以系10:00pm 交台, 因为晨曦 book 咗果间房. 当时系8点10个字, 食成个钟, 实无问题喇.点知执台执咗3、4个字, 呢度落单要自己手写, 但执完台又唔俾板我地写.... 之后, 终于有啦, 又无人收落单个板㖞. 于是自己攞出去. 我地写咗:黑椒铁板猪手 - 最快到, 黑椒汁都几好味, 只咸猪手就一般喇, 不过猪皮炆得几淋, 好似好多骨胶原咁... 但铁板唔系太热, 好快就开始涷.椒盐骨拼大肠 - 椒盐骨唔椒盐, 反而有蓝乳味, 好食过椒盐骨. 炸大肠炸得好食过泉章居. 可惜都系唔够热, 微暖. 而且碟头十分细, 同餐牌上嘅相片差太远, 见张相以为正常size, 点知mini版.腊味煲仔饭 - 头两个𩠌嚟咗好耐都未见到个饭, 都知即煲要等下, 但都无理由咁耐, 同阿姐讲"个腊味煲仔饭好耐都
点知执台执咗3、4个字, 呢度落单要自己手写, 但执完台又唔俾板我地写.... 之后, 终于有啦, 又无人收落单个板㖞. 于是自己攞出去. 我地写咗:
黑椒铁板猪手 - 最快到, 黑椒汁都几好味, 只咸猪手就一般喇, 不过猪皮炆得几淋, 好似好多骨胶原咁... 但铁板唔系太热, 好快就开始涷.
椒盐骨拼大肠 - 椒盐骨唔椒盐, 反而有蓝乳味, 好食过椒盐骨. 炸大肠炸得好食过泉章居. 可惜都系唔够热, 微暖. 而且碟头十分细, 同餐牌上嘅相片差太远, 见张相以为正常size, 点知mini版.
腊味煲仔饭 - 头两个𩠌嚟咗好耐都未见到个饭, 都知即煲要等下, 但都无理由咁耐, 同阿姐讲"个腊味煲仔饭好耐都未嚟", 阿姐回答"整好会俾你", 我够知喇, 驶你讲咩... 我想你帮我追一追啰... 后来终于嚟啦, 新鲜热辣, 帮我地捞饭嘅师傅讲解得好清楚. 哗! 真系好味, 好香腊味味同饭焦味. 不过, 少咗啲...
芥菜咸旦肉片汤 - 好大煲, 都ok, 不过肉片超韧.
9:56pm 有个阿姐攞张单嚟话唔好意思要埋单, 我地都系紧紧食完, 无得抖, 因为啲嘢上得慢. 即刻埋单走人.
张贴
