ねずみの王冠 喫茶店

营业中

休息中

又到好友聚会时间，今次就我自己约左喺观塘呢边食饭，同事介绍呢间ねずみの王冠 吃茶店，位于巧明街近骏业街交界嘅冠力工业大厦15楼，如果搭地铁喺观塘站经APM及港贸中心过黎只需5分钟，相当方便。电梯只到14楼，需要行一层，但楼梯相当企理，仲贴满色彩缤纷嘅贴纸，感觉良好。位于顶层，自成一角，门口位布置精美，没有比人置身工厦嘅感觉。店内装潢同样系精致，仲有一张日式「塌塌米」餐台，让你感受到一股和风嘅感觉。店铺除左餐饮服务仲有零售架，卖下化妆品、精品等等，啱晒午饭时间紧迫嘅OL，食饭之余又可以SHOPPING，一举两得。餐牌图文并茂可以慢慢拣，而食品价钱又唔贵㖞。虾真系大大只，仲有蟹籽同新鲜蔬菜配上沙律酱，认真醒胃。吉列鱿鱼炸得够晒香脆，而他他酱就调配得相当惹味，两样一拍即合。特别一赞呢个七味墨鱼咀，外层十分松脆，内里嘅墨鱼就非常烟韧，口感十足。天寒地冻梗系要整个牛肉锅食下啦，除左牛肉，仲有冬菇、豆腐、金菇、野菜，份量十足。佢仲要全程有个炉热住，保证够晒热辣辣。炒饭很精致，配上清甜蟹肉，满口鲜味。识食鳗鱼一定食原条嘅蒲烧鳗鱼，单是视觉已甚具气势， 鳗鱼厚肉肥美，大家都边食边赞，绝对值得一试。