ENSŌ

营业中

休息中

全鸡宴我食过，全鸡串烧Omakase就真系第一次食。系坚尼地城海旁呢一间Pet friendly 嘅餐厅，采用咗日本食材，晚上主力做串烧同酒水。毛孩嚟到仲有毛孩餐添。今日两个就试吓佢哋个全鸡餐，全部菜式都系鲜鸡做成首先有酸汁啫喱鸡胸沙律，酸酸地开一开胃，之后就上咗免治鸡肉串配蛋黄汁。免治鸡肉混入咗软骨碎，识落非常爽口。再嚟就系六款唔同嘅鸡肉串部位，由于系师傅发板，我都唔知会食到边一啲部位先。先来嘅有鸡心、鸡翼、鸡尾。之后就今开上鸡脚筋、鸡软骨、鸡肝。调味都系偏淡嘅，但系就食得出本身食材嘅味道。之后仲有玉子烧、同埋鸡皮大虾。鸡皮包住大虾嚟烧，鸡皮脆卜卜，虾爽嫰，而且非常之香。最后仲嚟咗一碗鸡汤白布乌冬。面好似成匹布咁长，食落就似刀削面嘅质地，值得一试。