影片
更多
2022-06-02
264 浏览
我女朋友一开始唔钟意食寿司，直到有一次逼佢同我食omakase，女朋友就钟意咗食寿司，成为我人生一大成就😎。今日系同女朋友嘅六年半周年纪念日。经过我精挑细选之下，我拣咗寿司樱作为周年纪念日嘅压轴餐厅😜寿司樱餐厅晚市只有两个omakase套餐，而且无得散叫食物，我地今次试左「金」🤩- 前菜前菜包括括北海道北寄贝配韭菜，𫚕鱼白子配姜汁同汁烧金箔饱鱼。以上三款卖相精致，味道出色。我最钟意应该系𫚕鱼白子，入口柔滑顺口😍- 左口鱼刺身配紫苏花紫鲜花味道几强烈，食完我只系记得紫鲜花既香味😬- 北海道象拔蚌象拔蚌爽脆清甜，加左青柠汁有画龙点晴既感觉。- 深海池鱼深海池鱼做左两食，两款分别用咗唔同部位。一款配上芽葱，另一款配上黑鱼子。深海池鱼甘香细腻，而且够肥美。芽葱完全无草青味，只有淡淡既甜味，而且可以解腻。至于黑鱼子鲜味突出，同深海池鱼味道好夹。- 帆立贝海胆呢个组合非常邪恶，用紫菜夹住帆立贝同海胆一齐食😋。帆立贝好大粒，帆立贝既酱油唔会盖过本身既鲜甜，海胆令味道鲜上加甜。- 鲣鱼刺身鲣鱼用左樱花木烟熏，一打开玻璃盖就制造出烟雾离漫既效果，真系好睇又好食🤩- 海胆焗大虾又有海胆既出现啦😍！大虾肉质
寿司樱餐厅晚市只有两个omakase套餐，而且无得散叫食物，我地今次试左「金」🤩
- 前菜
前菜包括括北海道北寄贝配韭菜，𫚕鱼白子配姜汁同汁烧金箔饱鱼。以上三款卖相精致，味道出色。我最钟意应该系𫚕鱼白子，入口柔滑顺口😍
- 左口鱼刺身配紫苏花
紫鲜花味道几强烈，食完我只系记得紫鲜花既香味😬
- 北海道象拔蚌
象拔蚌爽脆清甜，加左青柠汁有画龙点晴既感觉。
- 深海池鱼
深海池鱼做左两食，两款分别用咗唔同部位。一款配上芽葱，另一款配上黑鱼子。深海池鱼甘香细腻，而且够肥美。芽葱完全无草青味，只有淡淡既甜味，而且可以解腻。至于黑鱼子鲜味突出，同深海池鱼味道好夹。
- 帆立贝海胆
呢个组合非常邪恶，用紫菜夹住帆立贝同海胆一齐食😋。帆立贝好大粒，帆立贝既酱油唔会盖过本身既鲜甜，海胆令味道鲜上加甜。
- 鲣鱼刺身
鲣鱼用左樱花木烟熏，一打开玻璃盖就制造出烟雾离漫既效果，真系好睇又好食🤩
- 海胆焗大虾
又有海胆既出现啦😍！大虾肉质弹牙，海胆酱由海胆同蛋黄混合而成，然后涂匀系大虾上面再焗，令大虾无论色香味都更上一层楼🔝。大虾上面放上稻穗焗出嚟嘅爆谷，口感香脆，米香突出。
- 舞茸清汤
呢个汤非常清甜，菇味非常香浓，俾客人清一清口腔，准备心情食寿司🥰
寿司方面餐厅用左赤醋饭🍣，酸度温和，口感粒粒分明。寿司有以下九款：
- 鸟贝（左上）
鸟贝应该系我食过口感最爽口嘅寿司，比起赤贝，我更爱鸟贝😍
- 伊佐木（右上）
味道鲜甜弹牙，口感有少少烟韧，食完既感觉比较清爽。
- 白虾（右下）
晶莹剔透嘅白虾上面有柚子皮，而且洒上少少岩盐。师傅话岩盐唔会好似豉油咁咸，而且带有海水味。白虾既口感系我之前未试过，有少少黏身，肉质鲜甜。
- 金线雕（左下）
原来金线雕系红衫鱼🤩，师傅将金线雕炙烧之后鱼油迫晒出嚟，面头仲有盐渍昆布。
- 吞拿鱼（左上）
吞拿鱼同山芋呢个组合相当新颖，味道非常甘甜😋
- 胡麻鲭鱼（左下）
鲭鱼上面放左少少芝麻，鱼油味几重👍🏻
- 池鱼（右上）
入口比较清爽，略带少少油香，配上芽葱有另一番风味😋
- 银鳕鱼（右下）
估唔到银鳕鱼仲可以用作寿司，银鳕鱼配上鱼子酱，入口细嫩滑溜，炙烧完鱼油味更突出，肥美程度同拖罗有过之而无不及。今次配搭嘅鱼子酱偏向深绿色，原来来自日本，配上银雪鱼令鱼子酱嘅鲜味升华。
- 拖罗
每次食omakase最期待既寿司一定系拖罗，拖罗鱼油非常丰富，口感入口即化，美足不足既系食落有少少筋🥲
- 海胆杯
每一啖都系奢华既享受😍，入面有海胆、白虾、拖罗蓉同鱼子酱。下层有少少寿司饭作「点缀」🤣，口感丰富，鲜味极浓。
- 鱼汤
鱼汤呈奶白色，味道超级浓郁鲜甜，入面有香菇、豆腐等配料，好饮到想问师傅可唔可以买外卖汤包🥰
- 熊本哈密瓜🍈
最后以哈密瓜作结，甜到入心💓
寿司樱系我食过最正既omakase，亦都系最贵🤣，之后要努力赚钱令自己每一个月食一次omakase！
张贴
