影片
更多
2017-11-29
190 浏览
OMAKASE食过唔少间，对呢样野亦愈来愈喜欢，不时不食，又唔洗自己谂食咩，岩晒脑残的我，而且可以近距离欣赏师父的手艺，有咩唔明白唔食都可以直接同师父沟通知道妈妈未试过食OMAKASE，今日就带佢黎试下鮨豊我自己都系第一次食，我地6点已经到左，一开始成个场暂时净系得我地，要食OMAKASE，我地当然会选择坐吧台啦睇上图都知坐吧台的好处，面前有好多新鲜鱼生，食食下仲有幸睇到师父将大大旧吞拿鱼解体餐目有两款，一系食SET($800)，一系就OMAKASE($880)，只系相差$80，我地当然坚持我地今日的目的配菜有几款，最欣赏系日本萝卜，酸酸地又带萝卜的甜前菜前菜有冰菜、日本蕃茄、𩽾康鱼肝，𩽾康鱼肝加左酸汁，质感比鹅肝更细滑，日本蕃茄比一般的甜得多平目鱼平目鱼上面有酸汁啫喱，鱼味唔系好浓那一种，作为第一件寿司就岩晒花竹虾花竹虾一向系贵价货，虾肉比较厚身同实净，见到师父将虾膏不停的切，香味就爆发出黎，然后就放入虾同饭的中间，上面有虾苏，虾苏做法比较繁复平时都比较少食到，一放入口虾膏味系口中爆发，十分十分美味平目鱼边一开始食过平目鱼，而家就到平目鱼边，平目鱼边比较有咬口，配上左青柠汁同海盐，油
知道妈妈未试过食OMAKASE，今日就带佢黎试下
鮨豊我自己都系第一次食，我地6点已经到左，一开始成个场暂时净系得我地，要食OMAKASE，我地当然会选择坐吧台啦
睇上图都知坐吧台的好处，面前有好多新鲜鱼生，食食下仲有幸睇到师父将大大旧吞拿鱼解体
餐目有两款，一系食SET($800)，一系就OMAKASE($880)，只系相差$80，我地当然坚持我地今日的目的
配菜有几款，最欣赏系日本萝卜，酸酸地又带萝卜的甜
前菜前菜有冰菜、日本蕃茄、𩽾康鱼肝，𩽾康鱼肝加左酸汁，质感比鹅肝更细滑，日本蕃茄比一般的甜得多
平目鱼平目鱼上面有酸汁啫喱，鱼味唔系好浓那一种，作为第一件寿司就岩晒
花竹虾花竹虾一向系贵价货，虾肉比较厚身同实净，见到师父将虾膏不停的切，香味就爆发出黎，然后就放入虾同饭的中间，上面有虾苏，虾苏做法比较繁复平时都比较少食到，一放入口虾膏味系口中爆发，十分十分美味
平目鱼边一开始食过平目鱼，而家就到平目鱼边，平目鱼边比较有咬口，配上左青柠汁同海盐，油脂味较浓
深海池鱼深海池鱼一向系我好喜爱的一款寿司，鱼味浓郁，简单加酱油已经好足够
秋刀鱼秋刀鱼系季节限定，错过左就要等下年，清楚睇到师父系鱼上的刀工，配上姜蓉同葱花同吃
赤贝 大大只赤贝开边，加入青柠汁同柚子皮增加清新感
金目鲷金目鲷轻轻炙烧过，多了一份香味，有梅酱同紫苏叶衬托
海胆来自北海道的海胆，质素无容置疑，鲜甜得很，好想成板食晒佢
鲭鱼鲭鱼上面放有白板昆布，中间有紫苏叶，白板昆布食落酸酸地，同鲭鱼的味道好配合
吞拿鱼此拿非一般TORO，呢一小旧就系最肥的位置，有少少筋，师父提我地唔好咁快吞，记得要咬多两下，筋部愈咬愈出味，真系人间极品
吞拿鱼手卷食过10年寿司之后，就到手卷，将吞拿鱼切成小粒，整条手卷由头都尾都食到满满的吞拿鱼
海绵鸡蛋海绵鸡蛋系好考工夫的食物，将虾肉、鱼肉磨到变蓉，再加蛋去焗，整个过程要整差不多2小时，少D心机都唔得，海绵鸡蛋食落好细滑，看似只系得鸡蛋，但一咬落就食到虾同鱼肉的鲜味，好特别的一道菜
立鱼汤立鱼汤做法有点似中式鱼汤，奶白色的汤加左豆腐，另一特别之处就系只碗，每只都系唔同图案的手绘碗，日本的手艺，几时都咁令人尝心悦目
生果及甜品来到最后的一款食品，生果有日本蜜瓜，十分清甜，甜品有自家制奶冻，上面放有日本红豆蓉，中间的枫叶装饰系真树叶，令我好挂住一个月前系北海道的风景喔
食过咁多间OMAKASE，试过呢间之后，即刻变左我心目中的第一位，由食材、师父的手艺、环境，通通都令我好满意，师父好健谈，令我增加左唔少日本食材的知识，而且$880呢个价钱食OMAKASE来说都唔算高价，十分值得一试
张贴
