影片
更多
2018-10-16
122 浏览
前几日去咗尖沙咀食lunch，我同朋友拣咗一间Omakase食。Lunch嘅Menu有三个餐，上网睇咗好多人都拣中间𠮶set，全部都好评，咁即系冇伏啦，所以拣咗中价个set，包括一道前菜，一份蒸蛋，十件寿司，海胆杯，一份手卷，渍物（汤），甜品。Omakase，即系厨师发办，亦都系客人对师傅嘅一种信任。系日本小型嘅料理店常见嘅食法，亦系一种日式嘅文化。介绍番嘢食先。腐竹芝麻墨鱼🦑甜甜地，令人几开胃，系一道唔错既前菜。蒸蛋蒸蛋时间啱啱好，唔会话太多蛋水，亦都唔会太过干身。蒸蛋里面仲有少少菌类同埋菜，唔会剩系得蛋咁单一。食完两款前菜之后，就到omakase主打嘅寿司。金目鲷净系个卖相已经非常吸引。师傅会用个细扫系每一件寿司扫一层薄酱汁，令件寿司睇起上嚟更有光泽，更易入口。作为第一件寿司，师傅话可能味道会较淡，但鲜美一定唔会少。果然，鱼肉非常之鲜甜美味，完全唔使再添加平时食𠮶啲寿司豉油去为件寿司提味。鱼肉亦都唔系薄切，厚厚嘅金目鲷令口感更加丰富。真鲷师傅话，真鲷又名樱鲷，因为真鲷鱼身系白粉色，同樱花颜色相似，所以有咁嘅别名。系真鲷上边，师傅加咗一粒鱼肝，令入口嘅味道变得更加复杂，本身真鲷鲜甜再
Omakase，即系厨师发办，亦都系客人对师傅嘅一种信任。系日本小型嘅料理店常见嘅食法，亦系一种日式嘅文化。介绍番嘢食先。
腐竹芝麻墨鱼
15 浏览
0 赞好
0 留言
腐竹芝麻墨鱼🦑
甜甜地，令人几开胃，系一道唔错既前菜。
蒸蛋
蒸蛋时间啱啱好，唔会话太多蛋水，亦都唔会太过干身。蒸蛋里面仲有少少菌类同埋菜，唔会剩系得蛋咁单一。
食完两款前菜之后，就到omakase主打嘅寿司。
真目鲷
18 浏览
0 赞好
0 留言
金目鲷
净系个卖相已经非常吸引。师傅会用个细扫系每一件寿司扫一层薄酱汁，令件寿司睇起上嚟更有光泽，更易入口。作为第一件寿司，师傅话可能味道会较淡，但鲜美一定唔会少。果然，鱼肉非常之鲜甜美味，完全唔使再添加平时食𠮶啲寿司豉油去为件寿司提味。鱼肉亦都唔系薄切，厚厚嘅金目鲷令口感更加丰富。
真鲷配鱼肝
12 浏览
0 赞好
0 留言
真鲷
师傅话，真鲷又名樱鲷，因为真鲷鱼身系白粉色，同樱花颜色相似，所以有咁嘅别名。系真鲷上边，师傅加咗一粒鱼肝，令入口嘅味道变得更加复杂，本身真鲷鲜甜再加上鱼肝浓郁嘅味道，两者之间嘅一个平衡，令依件寿司并唔再系普通嘅真鲷寿司。
深海池鱼腩(烧)
14 浏览
0 赞好
0 留言
深海池鱼腩
烧过嘅深海池鱼腩寿司，非常好味。由于即烧即食，未食𠮶阵时已经闻到灸烧寿司𠮶阵香味，令我对依件寿司期望更加大。好在师傅亦都冇令我失望，池鱼腩嘅鱼油非常抢口，食落口更加系非常之滑非常之香。顺带一提，正宗日本寿司嘅寿司里面，会有微量嘅Wasabi，所以系唔使自己落㗎，除非你好钟意食Wasabi啦。
喉黑鱼(烧)
20 浏览
0 赞好
0 留言
喉黑鱼
依只鱼，小弟系第一次食，平时去普通嘅寿司铺根本冇可能有依只鱼。师傅话依只鱼之所以叫黑喉，系因为个喉咙系黑色。今次依件寿司啲肉质比较硬身，虽然冇前几旧鲜甜，但今次呢旧鱼味较重。好有可能因为黑喉系赤身鱼，前三旧都系白身鱼。
赤拖罗
16 浏览
0 赞好
0 留言
赤拖罗
虽然系赤身，但亦都见到脂肪条纹，就知道依旧寿司唔会唔好味。拖罗即系吞拿鱼腩，主要讲求质感，鱼油香同味道，三点都做得唔错，尤其系鱼油香方面，更加系回味无穷。
左口鱼
11 浏览
0 赞好
0 留言
左口鱼
平时可能食开嘅系灸烧左口鱼，今次厨师为我地预备左未烧过嘅左口鱼，竟然有惊喜。一入口𠮶阵时，系估唔到嘅甜味，平时食刺身可能只系得鲜但系冇甜，但依旧左口鱼寿司，真系鲜甜并重。唔系夸大左，依旧寿司系比到一个震撼我。
带子
师傅话呢度嘅带子系由北海道嚟嘅。个人觉得带子冇乜得好评，除非唔好味𠮶啲。
广岛蚝
13 浏览
0 赞好
0 留言
广岛蚝
广岛蚝寿司都略有惊喜，因为我估唔到呢度嘅广岛蚝寿司蚝味可以咁重，重点系，食落去果下真系唔舍得一啖吞落肚， 只蚝好似系口腔里面游紧水咁，完全冇咗阻力，非常嫩滑。
左口鱼裙边(烧)
19 浏览
0 赞好
0 留言
左口鱼裙边
微微烧过嘅左口鱼裙边，更能带出香味，味道唔会太重，鲜味亦足够，作为总结嘅寿司都系一个唔错嘅选择。
海胆杯
18 浏览
0 赞好
0 留言
海胆杯
好正呀！个杯真系铺满晒海胆架。每一啖既海胆都好肥好甜。卖相都唔差，海胆杯上面嘅一只甜虾仔，更显美态。一啖饭一啖海胆，虽然已经有少少饱，个依个海胆杯亦都比我秒杀左。
白身鱼手卷
手卷紫菜非常脆，白身鱼都常足料，唔系饭捞紫菜沟豉油，真材实料。
鱼骨汤
师傅话呢个系用鱼骨煲嘅汤，非常好饮，因为好香。成个汤非常清郁，清系指个汤冇做多左，冇多余既材料去影响个味，郁系指鱼味十分重，即系个汤煲左好耐同埋好够材料。
豆腐雪糕
8 浏览
0 赞好
0 留言
豆腐雪糕
依个甜品亦都系非常之好味，首先，个雪糕甜得来又唔会好溜，个感觉就好似你就算食好多都好，你都唔会觉得会野痰会唔健康。豆腐味都好香，个人觉得，要做多重豆腐味系非常之难，因为豆腐本身味道较淡，所以味道难以出众。
讲完食个方面，就讲下餐厅个环境啦。餐厅里面超级阔落，櫈同櫈之间嘅距离唔会觉得迫，坐落都几舒服。餐厅卫生环境非常好，灯火亦都非常光猛，唔知系咪咁样，寿司嘅光泽都好睇啲。另外要讲下嘅，就系有一对巧手嘅日藉师傅，佢啲广东话虽然唔好，但都足够用埋少少英文同客人沟通，亦都会话俾你听每道菜嘅名。尤其系你每食一件寿司，佢都会非常知想你俾意见，等佢知道客人满唔满意，呢一点，可以睇得出师傅十分重视客人对食嘅感觉，亦都可以话师傅对食物有一种执着。
总结：个人推介会系深海池鱼腩，左口鱼，海胆杯。$588呢个价其实都几抵食，因为可以食到好多平时唔会食嘅寿司，仲要系高质嘅，同埋$588系Omakase来讲，绝对唔系啲咩嘅价钱。下次有时间嘅话，会试吓晚餐同午餐有咩分别，可能会有更多惊喜。
张贴
