影片
更多
2022-04-29
1570 浏览
我一直好想试Omakase，最后拣左呢间食lunch。每一道嘅摆盘都好精致同有心思，攞嚟影相真系啱晒！师傅好专业讲解每一道刺身来源地同食法，师傅仲好幽默，成餐饭都唔会闷😆最令我印象深刻嘅菜式：生蚝上面加咗日本柚子嘅皮，食落好鲜甜同清爽！左边系白虾刺身加上雪花盐，右边系牡丹虾加海胆，好新鲜唔会有腥味。而中间虾头会拎去炸，炸得好酥脆。另外油浸鲍鱼都好好食，鲍鱼够淋同入味我第一次食白子（左边），听师傅讲先知道系鱼类嘅精巢。白子用天妇罗做法制作，入口有外脆内软嘅感觉。而右边系用紫菜包住炸到半生熟嘅带子，里面仲夹住海胆。一咬落去有绵软嘅海胆配搭嫩滑嘅带子加上脆口嘅紫菜，口感十分丰富！招牌手卷嘅味道唔使我多讲，最令我惊喜系块紫菜食到最后一啖都仲系脆口！好多时食手卷嘅经验就系食到一半𠮶块紫菜已经淋晒，但系呢个手卷由第一啖食到最后一啖都系咁正😋总结嚟讲，今次嘅初体验相当唔错，系一场视觉同味蕾嘅享受！
最令我印象深刻嘅菜式：
生蚝上面加咗日本柚子嘅皮，食落好鲜甜同清爽！
左边系白虾刺身加上雪花盐，右边系牡丹虾加海胆，好新鲜唔会有腥味。而中间虾头会拎去炸，炸得好酥脆。
另外油浸鲍鱼都好好食，鲍鱼够淋同入味
我第一次食白子（左边），听师傅讲先知道系鱼类嘅精巢。白子用天妇罗做法制作，入口有外脆内软嘅感觉。而右边系用紫菜包住炸到半生熟嘅带子，里面仲夹住海胆。一咬落去有绵软嘅海胆配搭嫩滑嘅带子加上脆口嘅紫菜，口感十分丰富！
招牌手卷嘅味道唔使我多讲，最令我惊喜系块紫菜食到最后一啖都仲系脆口！好多时食手卷嘅经验就系食到一半𠮶块紫菜已经淋晒，但系呢个手卷由第一啖食到最后一啖都系咁正😋总结嚟讲，今次嘅初体验相当唔错，系一场视觉同味蕾嘅享受！张贴
