鮨一心 (已結業)

日本料理食得多，今次同友人试下比较少食嘅omakase。店舖门面好低调，入到去更加低调，灯光虽暗，但又坐得几舒服。坐低后有热茶，前菜系温泉蛋。个蛋系冻食嘅，入面嘅蛋白同蛋黄仍处于流心状态，有水准！另外仲有玉子，甜度刚好，旁边有酸姜，腌得非常好味！千切大根，系腌过嘅萝卜丝，带甜辣，都几惹味。面豉酱青瓜，浓味嘅面豉配埋清爽嘅青瓜一齐食，味道好夹。然后就开始上10种厨师发办嘅寿司，我地一路食，师傅就一路整，见佢有好多秘制野放落一个个盒仔度，每款食材佢都好用心拣自制嘅配料，例如梳鱼上就配姜丝，带子就配柚子皮，鲭鱼配一块甜嘅片片等，非常特别有心思。每上一旧寿司，师傅都会用唔纯正嘅广东话讲一讲个名，好多鱼嘅名都无刻意记低，净系记住食入口𠮶种鲜味已经够了。食完寿司之后会有面豉汤，味道对我黎讲系特浓，好足料！最后嘅甜品竟然有我最爱嘅黑芝麻雪糕，好满足！