雲壽司 (已結業)

成日见到啲相都系一板板寿司就好吸引，所以决定要去试下。😋特上寿司拼盘拼盘包咗沙律、面豉汤同埋10件寿司，包咗吞拿鱼腩、深海池鱼、牲丹虾、赤贝、海胆、三文鱼籽、火灸左口鱼边、鲭鱼、鲂𫚒、葱吞拿鱼腩。最大惊喜系吞拿鱼腩，食落去好淋，鱼既油脂分泌得好好，所以令到个口感又吾会太油腻又入口即溶。三文鱼籽系另一个惊喜，完全无腥味，味道好新鲜。赤贝好爽口，同埋比我想像中大块。😋 火炙寿司拼盘依个拼盘有8件火炙寿司，仲要系太子期间限定，价钱只系88蚊炸，真系好抵呀。寿司包咗呑拿鱼腩、左口鱼边、三文鱼腩、三文鱼、金线鲷、鲭鱼、带子、生银鳕鱼。最钟意既系吞拿鱼腩同埋带子，烧完既吞拿鱼腩既油脂更加可以更加突出，带子就可以保持住咁滑。