影片
更多
2019-12-04
391 浏览
尖沙咀日本料理不下百间，但质素参差不齐，要食到一间好食嘅有番咁上下难度。不过今日食嘅呢间鮨见，完全展现左唔同级数嘅日本料理。「Omakase」系日本高级料理，日文原意系「拜托了」，即系菜单由主厨全权负责，挑选当日时令材料制作佳肴，包括刺身、寿司、茶碗蒸等。我以前都食过几间日本餐厅嘅Omakase，但系坐系大厨面前睇住佢现打现制都系第一次。大厨二见さん学艺多年，再由日本将料理带黎香港，务求令香港人都食到日本地道风味料理。佢相当著重「沟通」，觉得厨师同客人冇交流就算唔上好嘅Omakase，所以餐厅格局够细，务求一路食一路向客人说明料理特色。前言唔讲太多，直入主题啦。打头阵嘅系八爪鱼冷盘配秘制酱汁。八爪鱼仔爽口，八爪鱼脚弹牙，加埋酒香味浓郁嘅酱料，甜甜地嘅味道相当开胃，作为前菜相当称职。茶碗蒸用料丰富，有虾、蟹、鸡、菇等配料，鲜味都煮到入蛋度，每匙都有配料，食落好满足。然后系不可或缺嘅剌身六点，味道由浅入深：樱花鲷肉质鲜美，咬落有浓而不腻嘅鲜甜味；拖罗油香十足，入口接近即时溶化，咬落再有吞拿鱼甘香后劲；深海池鱼较爽口，鲜味非常霸道，一咀嚼就攻占成个口腔；混合剌身又系另一番风味：软滑鲷鱼配上嫩
「Omakase」系日本高级料理，日文原意系「拜托了」，即系菜单由主厨全权负责，挑选当日时令材料制作佳肴，包括刺身、寿司、茶碗蒸等。我以前都食过几间日本餐厅嘅Omakase，但系坐系大厨面前睇住佢现打现制都系第一次。
大厨二见さん学艺多年，再由日本将料理带黎香港，务求令香港人都食到日本地道风味料理。佢相当著重「沟通」，觉得厨师同客人冇交流就算唔上好嘅Omakase，所以餐厅格局够细，务求一路食一路向客人说明料理特色。前言唔讲太多，直入主题啦。
打头阵嘅系八爪鱼冷盘配秘制酱汁。八爪鱼仔爽口，八爪鱼脚弹牙，加埋酒香味浓郁嘅酱料，甜甜地嘅味道相当开胃，作为前菜相当称职。
茶碗蒸用料丰富，有虾、蟹、鸡、菇等配料，鲜味都煮到入蛋度，每匙都有配料，食落好满足。
然后系不可或缺嘅剌身六点，味道由浅入深：
樱花鲷肉质鲜美，咬落有浓而不腻嘅鲜甜味；
拖罗油香十足，入口接近即时溶化，咬落再有吞拿鱼甘香后劲；
深海池鱼较爽口，鲜味非常霸道，一咀嚼就攻占成个口腔；
混合剌身又系另一番风味：
软滑鲷鱼配上嫩滑海胆既鲜又甜，柚子又带Ｄ酸味中味番口感，口感多元化，单一刺身绝对做唔到呢个效果；
吞拿鱼鱿鱼卷口感由软至爽，吞拿鱼嘅酸配上鱿鱼鲜甜又系绝配，加上一抹浓厚秘制鲍鱼酱风味独特，金箔再添上高级感，呢道剌身堪称完美；
大拖罗包海胆又系另一种体验，拖罗油脂味较重，同海胆嘅顺滑鲜甜有化学作用，好似食紧有充满油香味嘅海胆，难以形容嘅好味道。
接住落黎系考验师傅功架嘅寿司。
寿司饭直接加入左秘制酱油，即压即食，新鲜热辣。九洲鲈鱼软熟可口，油香不亚拖罗，但比拖罗鲜甜，多一份清爽。鲭鱼配上碎葱同姜蓉，有少少似烧味风味，风口意外地夹；深海池鱼腩极为肥美，油香冠绝，滋味浓郁；蓝鳍吞拿风味较浓，口感紧致精密，加上沙律酱，带一种油脂以外嘅鲜香；赤贝寿司口感爽脆，较为专注鲜甜一环，带点清新；
广岛蚝寿司更系创新，用火枪将蚝身烧到焦香半熟，压上寿司饭，再直接放系手掌上感受其温度，再一啖吞下，肥美蚝肉鲜甜甘香，满足感油然而生。
三文鱼子海胆杯唔使说明都知有几满足，大大啖三文鱼子同海胆鲜味争相而出，再配上寿司饭令口感更圆满，系幸福嘅味道。
金目鲷鱼骨汤极为浓郁，榨取哂鱼骨嘅精华，每一滴都有丰富甜鲜鱼香，浓而不腥，好好饮！
最后以北海道直送蜜瓜做点缀，以清爽香甜水果作结尾。
虽然价钱不菲，但系真系物有所值，顶级日式料理、贴心服务、居酒屋式气氛，非常推荐大家黎体验下。
张贴
