和処 酒肴 (已結業)

食鱼生寿司最怕唔新鲜，所以多会选择游日时才食，而且香港夏天又热又湿中伏指数真系极高。不过推介我去食过唔小好嘢嘅为食首领就训示我食埋晒啲平嘢梗系唔掂啦，一于带我啲邨姑去见下世面。老饕识途包无伏，唔跟住去即系捉到鹿都唔识脱角。餐厅座落漆咸围角落，店面走简约低调风格，私房菜风味十足，啱钟意高私隐度嘅食客。走入店内，菜牌延续精简风，本地译作 大厨发板 (おまかせ) 的餐牌上只有两个套餐可选；一人一份啱啱好。第一份前菜其实系一个美术表演，因不少日本本料理以精美摆放方式呈现于客人面前。是次前菜由碟子至完成整份前菜，恰似观赏住一个雕塑家如何将石头变出雕像一样。一份美感十足嘅前菜可以睇住点样由无至有出现响你面前 整个过程已经系一个美学嘅展现。整碟前菜大约有十多样食材，包括 黑茶豆、粟米汤、薯仔蟹肉、芝士鱼饼、黑松露蛋卷、三文明太子、海参菜加海菠萝、松煎渍、希灵鱼籽海带、昆布卷、薯仔沙律、萤光鱿鱼。样样鲜甜美味，当中薯仔蟹肉及芝士鱼饼最得个人欢心。接住落系一只大大只嘅北海道生蚝，海水味重，蚝肉厚身大大只一啖食唔晒，过后有金属味道，吞咽过后回甘味慢慢从舌头出返嚟，超级正斗。享受生蚝嘅同时，眼见师父开始展现