影片
更多
2021-07-27
1049 浏览
心痒痒又想食omakase，今次就拣咗试呢间旭。我哋食咗中位价嘅set，$1680一位。前菜1:昆布豆腐，滑嘟嘟，味道正常。前菜2：猪肉淮山卷系热食，几香。水云菜酸酸的，有啲姜蓉爽滑，几开胃。最后记得要食埋粒龙珠果。1.北海道毛蟹肉捞入咗蟹膏，鲜味甘香；上面有鲜甜紫海胆，捞埋紫苏花瓣一齐食有花香。2.师傅话呢个系seasonal，梳子鱼轻轻烧过，带出油香，配咗少少饭，用紫菜包住食。3.呢个都系seasonal北海道白粟米，超爽脆，好甜，好juicy。4.野生银雪鱼，都系轻轻烧过，带出油脂香 ，肥美，沾豉油wasabi食。5.日本响螺，超爽口， 师傅教用筷子沾上少少盐 再加wasabi咁食，带出鲜味。6.野生蓝鳍吞拿，师傅话呢个系最肥位置，大拖罗。师傅已经起筋，但系里面都仲有啲细筋起唔到，师傅话已经切断咗，等我哋口感舒服啲。7.跟住嚟一个熟食，盐烧太都鱼。挤一啲青檬汁上去食，油香丰富而且鲜味。如果想再浓味啲就沾上柚子酸汁。伴碟嘅烧青椒、姜芽都食得。跟住就开始食寿司，所有寿司师傅都已经落咗豉油Wasabi，可以就咁食。8.真鲷 sushi，上面有柚子皮香味，味道几清。9.小肌鱼 sushi
心痒痒又想食omakase，今次就拣咗试呢间旭。我哋食咗中位价嘅set，$1680一位。
前菜1:昆布豆腐，滑嘟嘟，味道正常。
前菜2：猪肉淮山卷系热食，几香。水云菜酸酸的，有啲姜蓉爽滑，几开胃。最后记得要食埋粒龙珠果。
1.北海道毛蟹肉捞入咗蟹膏，鲜味甘香；上面有鲜甜紫海胆，捞埋紫苏花瓣一齐食有花香。
2.师傅话呢个系seasonal，梳子鱼轻轻烧过，带出油香，配咗少少饭，用紫菜包住食。
3.呢个都系seasonal北海道白粟米，超爽脆，好甜，好juicy。
4.野生银雪鱼，都系轻轻烧过，带出油脂香 ，肥美，沾豉油wasabi食。
5.日本响螺，超爽口， 师傅教用筷子沾上少少盐 再加wasabi咁食，带出鲜味。
6.野生蓝鳍吞拿，师傅话呢个系最肥位置，大拖罗。师傅已经起筋，但系里面都仲有啲细筋起唔到，师傅话已经切断咗，等我哋口感舒服啲。
7.跟住嚟一个熟食，盐烧太都鱼。挤一啲青檬汁上去食，油香丰富而且鲜味。如果想再浓味啲就沾上柚子酸汁。伴碟嘅烧青椒、姜芽都食得。
跟住就开始食寿司，所有寿司师傅都已经落咗豉油Wasabi，可以就咁食。
8.真鲷 sushi，上面有柚子皮香味，味道几清。
9.小肌鱼 sushi ，鱼味较浓郁。
10.赤目鱼 sushi，轻轻烧过，有少少火炙香味，同埋带出油香。
11.赤身sushi ，呢个腌制过嘅，几有鱼香，肉质比较绵身。
12.新鲜北寄贝sushi，师傅整嘅时候拍一拍佢，等佢啲神经收缩返，好爽口。
13.中拖罗sushi，有几块薄片，食落冇咁多筋，最顶𠮶块系下巴位置，充满油香鱼香 。
14.九州车海老sushi，师傅整嘅时候虾仲郁紧，好新鲜，洒上岩盐，虾肉质紥实爽口弹牙，有啲柚子香，几清爽。
15.海胆军舰，有两种海胆，下面马粪海胆鲜甜，上面白海胆系seasonal，比较creamy，海胆味较浓郁。
16.最后饮返碗大蚬清汤，好鲜甜，蚬肉超级大粒。食完咁多嘢饮返碗热汤好舒服。
17.当然唔少得甜品啦，我拣咗绿茶奶冻，卖相好靓，绿茶味道好浓郁，奶冻滑溜溜，正。
张贴
