影片
更多
2020-06-11
716 浏览
懒人终于的起心肝，写人生第二篇 OpenRice 嘅食评，真惭愧！话明懒，索性两餐一齐写，唔好介意 😂最早帮衬烧邦系19年年头，但好多时都系两公婆去，食唔到太多嘢。呢两餐就唔同嘞，一餐系一行十人嘅 birthday party，另一餐系一行五人嘅 family gathering，可以试多好多嘢！食材新鲜、唔靓唔入、火候控制精准呢啲唔多讲，大家睇相应该会睇得出。反而想介绍嘅系老板邦哥对食材同出品嘅执着，同埋佢嘅态度。食材 - 首先，佢每晚收舖后，天未光就去香港仔落栏揾靓海鲜，唔靓唔入。又因为佢坚持咗几年，日日如是，所以先打动到渔市场嘅艇家会留啲罕有同靓嘢比佢，大家先有机会食得到。出品 - 靓嘅海鲜就唔需要花巧，所以佢好多海鲜都建议清蒸。咪以为清蒸好简单，一只鲍鱼蒸多二十秒，口感已经好唔同。一条靓鱼用秘制鸡油蒸，控制好火候，又系另一个层次。态度 - 呢两餐都系 set budget 比邦哥去发办，大概话佢知有咩特别想食，佢会尽量配合。最近呢餐同佢讲妈妈钟意食花蟹，佢第一个反应系：「宜家休渔期，又近母亲节，啲花蟹好贵。唔系话食唔食得起，而系值唔值得。我帮你留意吓，如果唔抵食我真系唔入，宁愿
最早帮衬烧邦系19年年头，但好多时都系两公婆去，食唔到太多嘢。呢两餐就唔同嘞，一餐系一行十人嘅 birthday party，另一餐系一行五人嘅 family gathering，可以试多好多嘢！
食材新鲜、唔靓唔入、火候控制精准呢啲唔多讲，大家睇相应该会睇得出。反而想介绍嘅系老板邦哥对食材同出品嘅执着，同埋佢嘅态度。
食材 - 首先，佢每晚收舖后，天未光就去香港仔落栏揾靓海鲜，唔靓唔入。又因为佢坚持咗几年，日日如是，所以先打动到渔市场嘅艇家会留啲罕有同靓嘢比佢，大家先有机会食得到。
出品 - 靓嘅海鲜就唔需要花巧，所以佢好多海鲜都建议清蒸。咪以为清蒸好简单，一只鲍鱼蒸多二十秒，口感已经好唔同。一条靓鱼用秘制鸡油蒸，控制好火候，又系另一个层次。
态度 - 呢两餐都系 set budget 比邦哥去发办，大概话佢知有咩特别想食，佢会尽量配合。最近呢餐同佢讲妈妈钟意食花蟹，佢第一个反应系：「宜家休渔期，又近母亲节，啲花蟹好贵。唔系话食唔食得起，而系值唔值得。我帮你留意吓，如果唔抵食我真系唔入，宁愿第日过咗休渔期，有又靓又抵食嘅花蟹，我入货你先再叫妈妈嚟食。」最终，佢帮我哋喺 budget 内揾到只接近两斤嘅靓蟹，妈妈食到赞不绝口！
邦哥真系好有热诚，小店经营，希望大家多多支持。
另外要一赞一班年轻店员，态度诚恳亲切，靓仔靓女又醒目 👍👍👍
P.S. 除海鲜外，其实仲有好多好食嘅传统串烧（鳝、义烧、牛舌、鸡翼......)，不过已经唔记得影相！
非一般嘅炖汤
5 浏览
0 赞好
0 留言
蒜蓉烧扇贝
3 浏览
0 赞好
0 留言
苏格兰蛏子皇
11 浏览
0 赞好
0 留言
辣酒煮东风螺
8 浏览
0 赞好
0 留言
冰镇鲍鱼
7 浏览
0 赞好
0 留言
鸡油蒸游水红瓜子斑
25 浏览
0 赞好
0 留言
不得了嘅炸蚝
16 浏览
0 赞好
0 留言
野生本地海龙虾
7 浏览
0 赞好
0 留言
荷香蟹黄蒸腊味糯米饭
10 浏览
0 赞好
0 留言
唔记得咩斑，好好味
7 浏览
0 赞好
0 留言
游水本湾大花红蟹
15 浏览
0 赞好
0 留言
成两斤重 😍
7 浏览
0 赞好
0 留言
张贴
