龍城冰室

营业中

休息中

同朋友做完运动，黎到铜锣湾嘅龙城冰室医肚。下昼4点几，当然系揾揾下午茶餐牌有咩食啦。下午茶有成36款选择，有多士、三文治、粉面、港式茶餐，望左一轮决定嗌个平平地嘅自选双拼粉面。1. 沙嗲牛肉拼炒滑蛋配米粉睇卖相，比我预期中要颓好多，纯粹系一个米粉底，再pak个炒滑蛋同沙嗲牛喺面，冇其他配菜。感受到香港嘅物价有几高，下午茶畀39蚊食个颓到爆嘅面。食落口就系咁，唔抱咩期望，正正常常，蛋有蛋味、沙嗲牛有牛味，同埋沙嗲牛真系份量少左d。2. 热咖啡热咖啡比较难饮，好苦涩，已经唔系多唔多奶、重唔重咖啡味嘅问题，而系成个味道都唔太啱，真心唔推介大家黎呢间茶记饮咖啡。埋单每人48蚊，对我黎讲，已经唔系抵唔抵食嘅问题，用料颓到根本唔值餐牌上嘅价钱，所以唔推介大家黎食。