PAUL LAFAYET

营业中

休息中

第一次订呢间生日蛋糕，睇完食评，有弹有赞，都怕会太甜。稳阵起见，都系订个细试下。款式选择太多，心大心细最后都系选择左招牌蛋糕-Creme Brûlée cake ，因为见谱语都唔错，而且Paul Lafayet出名食creme brûlée ，应该都唔会太差。因为唔想行两次，所以online落单，观塘店取，都几方便。加左$20要生日牌，可以写30个字母。个袋同蛋糕盒都好靓，好钟意支金色蜡烛。个蛋糕虽然得半磅，但都够四个人食。味道唔会过甜，有淡淡焦糖味，cream的部分都几滑幼，不过底部蛋糕有少少干。总括来说很满意，价钱略贵但可以接受，下次再有生日庆祝会试下其他口味。