影片
更多
2017-06-21
132 浏览
呢晚去咗尖沙咀，试试韩国街入面嘅OPPA Coffee Bar Restaurant。工业风嘅装修，楼底都几高。餐牌入面嘅菜式虽然唔算多。但大部份都系港人钟意嘅嘢，其中就以芝士系列最吸引。我哋叫咗几样嘢嚟试，左边𠮶支系蜜桃红莓果酒，原本系想试荔枝啤梨𠮶款，可惜啱啱好无货。不过呢款饮起上嚟酸酸甜甜，无晌度饮酒嘅感觉，味道讨好。三色韩国煎饼，每片煎饼都大约系两三口大小，煎得外层微脆内层软绵，南瓜煎饼清甜、泡菜煎饼甜辣、葱煎饼惹味，点埋酱汁食都唔错。韩式炒粉丝，粉丝表面有甜甜哋嘅酱汁，口感烟烟韧韧，入面仲有切丝彩椒、甘笋、洋葱、鱼糕、葱花、白芝麻等等，食起上嚟几爽脆。章鱼流心芝士小丸子，店员分别将用嚟整小丸子嘅食材、小丸子烤盘同气体炉拎嚟，俾我哋自己DIY。最大𠮶个量杯入面有紫菜丝、葱花、章鱼粒同韩式炒饭，根据说明书嘅指示，先将芝士丝倒入大量杯度。之后用餐具将大量杯嘅食材捞匀。小丸子烤盘本身已经扫咗层油，咁就开炉等佢烧热。将适量嘅芝士炒饭加入去。再倒埋牛奶蛋浆。等蛋浆半熟𠮶阵就用竹签反转小丸子，按个人喜好将另一边烧到半熟或全熟就得。虽然芝士唔系流心，不过食材配搭稳阵，微辣有咬口，加上系自己整
呢晚去咗尖沙咀，试试韩国街入面嘅OPPA Coffee Bar Restaurant。
工业风嘅装修，楼底都几高。
餐牌入面嘅菜式虽然唔算多。
但大部份都系港人钟意嘅嘢，其中就以芝士系列最吸引。
蜜桃红莓果酒
5 浏览
0 赞好
0 留言
我哋叫咗几样嘢嚟试，左边𠮶支系蜜桃红莓果酒，原本系想试荔枝啤梨𠮶款，可惜啱啱好无货。不过呢款饮起上嚟酸酸甜甜，无晌度饮酒嘅感觉，味道讨好。
三色韩国煎饼，每片煎饼都大约系两三口大小，煎得外层微脆内层软绵，南瓜煎饼清甜、泡菜煎饼甜辣、葱煎饼惹味，点埋酱汁食都唔错。
韩式炒粉丝
10 浏览
0 赞好
0 留言
韩式炒粉丝，粉丝表面有甜甜哋嘅酱汁，口感烟烟韧韧，入面仲有切丝彩椒、甘笋、洋葱、鱼糕、葱花、白芝麻等等，食起上嚟几爽脆。
章鱼流心芝士小丸子，店员分别将用嚟整小丸子嘅食材、小丸子烤盘同气体炉拎嚟，俾我哋自己DIY。
最大𠮶个量杯入面有紫菜丝、葱花、章鱼粒同韩式炒饭，根据说明书嘅指示，先将芝士丝倒入大量杯度。
之后用餐具将大量杯嘅食材捞匀。
小丸子烤盘本身已经扫咗层油，咁就开炉等佢烧热。
将适量嘅芝士炒饭加入去。
再倒埋牛奶蛋浆。
等蛋浆半熟𠮶阵就用竹签反转小丸子，按个人喜好将另一边烧到半熟或全熟就得。
虽然芝士唔系流心，不过食材配搭稳阵，微辣有咬口，加上系自己整嘅，唔多唔少都会有啲同情分。
（附上影片，openrice要电脑桌面版先可以睇到）
张贴
