Orange Elephant Thai Restaurant (博文街) (已搬遷) 新店位置

Orange  Elephant  Thai  Restaurant-$1既用处？大角嘴博文街除咗系一条「酒吧街」外，仲系一条「美食街」，岩晒我同fd Happy Hour后去医肚。饮完野经过Orange Elephant见到餐牌有每日$1优惠，星期三系$1泰式明炉乌头鱼，咁著数紧系要去食。🐻泰式明炉乌头鱼 $1唔好以为$1就求求其其，原条乌头鱼放系炉上慢慢加热，配上大量葱、酸菜同菇，味道酸酸地，有d似冬阴公，鱼肉质结实又唔腥，点埋酸辣酱就更醒胃。🐻咖哩海鲜脆包盅 $142以农夫包盛载青口、虾、鱼柳等海鲜，面包焗得好脆，咖哩汁加上蛋花令味道更加香浓，成个面包都索晒d汁，劲好味。🐻椰青焗海鲜饭 $99份量超大超足料，阵阵椰奶香味，饭亦都煮到粒粒分明。除咗虾同鱿鱼，仲有椰肉，食落更加有口感。🐻椰青 $38食泰国菜又点可以唔饮椰青，椰青味道清新又够冻，我最钟意一边刮椰肉食，一边饮椰青水，完全系双重享受。