樂園魚旦專家 (電氣道)

营业中

休息中

放完长假之后就系轮到博命番工嘅日子，日日都要OT无时停，放工果时已经好夜，所以想就咁食碗面快快番屋企抖下。公司附近有间面店，平平地一碗面，就入左去食。.肚肺鱼旦河 $41我叫左碗肚肺鱼旦河，汤底加左腩汁，鱼旦几爽口弹牙，仲有啲鱼肉鲜味，食落一啲都唔粉，似系落足料去整。牛肚煮得好入味，吸收哂腩汁嘅味道，几易入口又唔会黐牙。牛肺就烟烟韧韧，三款整得几出色。我就拣左河粉面底，起码唔会散收收，煮到淋哂，而且都几挂汤，成碗面$41 咁足料，都几物超所值。要OT个人已经好灰，但起码食左碗几好食嘅河粉，算系安抚左我少少灰心嘅心情。