快靚正燒味粉麵茶餐廳 (已結業)

今日全家都开OT就叫左我去斩料，听闻呢间烧腊店烧味都唔错，原来外卖堂食都有，佢地系自家烧，唔似d啲烧腊档系交货黎，所以品质可以控制得好啲。妈咪好钟意食乳鸽，咁就买左二只乳鸽，一只炸，一只卤水用来送酒一流，佢仲比平时买到既大只，唔会话皮包骨一啲肉都冇。半肥瘦叉烧，烧得好靓，肉质好嫩，唔似外面买咁，得啲肥膏淋肉就韧。烧腩仔个皮系脆嫁！仲要系一层肥一层瘦肉，瘦肉唔会好咸又够松软，食多几旧都唔怕。老豆钟意食烧鹅，又斩多半只，好味！仲有乳猪，皮够脆同埋唔会话得皮冇肉，啖啖都有肉食，正！