影片
更多
2022-04-09
1342 浏览
旅发局21年举办嘅wine and dine多咗「大师发办」，慕名前来一试红棉，期待咗好耐，近两千蚊一位嘅menu嚟讲，有啲meet唔到期望。成个Menu最钟意嘅系脆鳞马头配苗族酸汤。鱼鳞炸到好脆，鱼肉结实但十分嫩滑。酸汤将炸鱼鳞嘅油腻感中和到啱啱好，又唔会带走鱼肉嘅鲜味。系惊喜之作。其次系海藻清汤西施舌。西施舌处理得几好，肉质弹牙，个汤味浓而不失鲜味，令人回味。焗酿鲜花蟹盖都唔差，呢道菜十分足料，应该用咗有一只蟹嘅蟹肉，蟹味浓郁。缺陷系佢个盖有啲滞，即系食完第三个𩠌已经开始有啲饱饱地嘅感觉。🥶最后想讲吓鸡油状元红蒸河鳗，河鳗即系平时喺日本餐厅食鳗鱼饭𠮶种鳗鱼，原来冬天系河鳗当造。当时食时间啱啱好。唔知佢系用咗几多年嘅状元红去整，但系呢道菜花雕味十分重。虽然河鳗肥美嘅油脂味冇被状元红抢走，但我麻麻地。其他菜式都系不过不失，呢个价位去食一餐七道菜嘅中菜，始终overprice咗。虽然佢系五星级酒店嘅中菜厅，有唔少嘅钱应该系去咗服务费度，听讲原来个大厨会出嚟讲解菜式，但系我哋就系得waiter同我哋讲呢个系乜乜乜，连道菜点整都冇点介绍到。个Experience有啲差，甚至乎唔系好知自己食紧
旅发局21年举办嘅wine and dine多咗「大师发办」，慕名前来一试红棉，期待咗好耐，近两千蚊一位嘅menu嚟讲，有啲meet唔到期望。
成个Menu最钟意嘅系脆鳞马头配苗族酸汤。鱼鳞炸到好脆，鱼肉结实但十分嫩滑。酸汤将炸鱼鳞嘅油腻感中和到啱啱好，又唔会带走鱼肉嘅鲜味。系惊喜之作。
其次系海藻清汤西施舌。西施舌处理得几好，肉质弹牙，个汤味浓而不失鲜味，令人回味。
焗酿鲜花蟹盖都唔差，呢道菜十分足料，应该用咗有一只蟹嘅蟹肉，蟹味浓郁。缺陷系佢个盖有啲滞，即系食完第三个𩠌已经开始有啲饱饱地嘅感觉。🥶
最后想讲吓鸡油状元红蒸河鳗，河鳗即系平时喺日本餐厅食鳗鱼饭𠮶种鳗鱼，原来冬天系河鳗当造。当时食时间啱啱好。唔知佢系用咗几多年嘅状元红去整，但系呢道菜花雕味十分重。虽然河鳗肥美嘅油脂味冇被状元红抢走，但我麻麻地。
其他菜式都系不过不失，呢个价位去食一餐七道菜嘅中菜，始终overprice咗。虽然佢系五星级酒店嘅中菜厅，有唔少嘅钱应该系去咗服务费度，听讲原来个大厨会出嚟讲解菜式，但系我哋就系得waiter同我哋讲呢个系乜乜乜，连道菜点整都冇点介绍到。个Experience有啲差，甚至乎唔系好知自己食紧啲乜嘢嘢。未必会revisit 啦。
张贴
