影片
更多
2020-05-07
868 浏览
🍽菜式：西式（龙虾）🏠装潢：cafe式💰价钱：$200-300/人💬评分：🌟🌟🌟3.5/5.可能近下午茶时间，所以冇乜人，唔使点等就入到去。店员好有礼貌咁招呼我哋，入到去系浅蓝色色调嘅cafe feel，几阔落又舒服😌旁边有啲龙虾公仔装饰，几可爱😆🦞龙虾包 $188一定要试下个招牌龙虾包😆系长排包夹住大大嘅龙虾肉🤩而且排包落左牛油煮，香口得嚟外皮脆脆地，排包原本软熟又甜甜地，个包整得唔错。虽然龙虾啖啖肉，但冇乜点调味或煮特别煮香佢，所以较为淡味，只能用佢配有嘅芝士柠檬汁调下味，而且个汁都比较稀，味道一样好淡。🧆分享盘 $168分享半日唔少种类嘅小食，包括章鱼小丸子、芝士条、软骨饺子、鸡翼、墨西哥薄饼、两色薯条🤤不过份量就系3人份，如果4个人去食会唔够分😢总括而言食物质素都ok，尤其墨西哥薄饼同埋两色薯条，薄饼馅料多，加上沙律酱配合得几好食，薯条好脆，尤其蕃薯条甜甜哋，加上有茄汁同埋黑松露酱，几高质🤩但系芝士条就稍微炸得太过火，咬落去得炸皮，芝士馅料比较少，而且鸡翼都系炸得太耐，感觉啲鸡肉比较老，而且冇乜味道😢。🍲Kama pot (酱烧猪手龙虾汤乌冬) $103Kama pot嘅汤底、
🏠装潢：cafe式
💰价钱：$200-300/人
💬评分：🌟🌟🌟3.5/5
.
可能近下午茶时间，所以冇乜人，唔使点等就入到去。店员好有礼貌咁招呼我哋，入到去系浅蓝色色调嘅cafe feel，几阔落又舒服😌旁边有啲龙虾公仔装饰，几可爱😆
🦞龙虾包 $188
一定要试下个招牌龙虾包😆系长排包夹住大大嘅龙虾肉🤩而且排包落左牛油煮，香口得嚟外皮脆脆地，排包原本软熟又甜甜地，个包整得唔错。虽然龙虾啖啖肉，但冇乜点调味或煮特别煮香佢，所以较为淡味，只能用佢配有嘅芝士柠檬汁调下味，而且个汁都比较稀，味道一样好淡。
龙虾包
$188
39 浏览
0 赞好
0 留言
🧆分享盘 $168
分享半日唔少种类嘅小食，包括章鱼小丸子、芝士条、软骨饺子、鸡翼、墨西哥薄饼、两色薯条🤤不过份量就系3人份，如果4个人去食会唔够分😢总括而言食物质素都ok，尤其墨西哥薄饼同埋两色薯条，薄饼馅料多，加上沙律酱配合得几好食，薯条好脆，尤其蕃薯条甜甜哋，加上有茄汁同埋黑松露酱，几高质🤩但系芝士条就稍微炸得太过火，咬落去得炸皮，芝士馅料比较少，而且鸡翼都系炸得太耐，感觉啲鸡肉比较老，而且冇乜味道😢。
分享盘
$168
49 浏览
0 赞好
0 留言
Kama pot嘅汤底、𩠌、面都系自由配搭嘅，咁当然要试吓龙虾汤🦞，另外我哋拣咗猪手同乌冬。龙虾汤嘅味几浓烈，猪手都唔肥唔瘦啱啱好，可惜乌冬唔系手打，口感麻麻😟，好软身，比较影响整体质素。
Kama pot (猪手龙虾汤乌冬)
43 浏览
0 赞好
0 留言
同kama pot嘅问题一样，乌冬口感麻麻，影响整体食物质素😣不过忌廉苹果咖喱几好味，够味得来又唔会好腻，仲带一种清新嘅感觉🤣而吉列牛都炸得外脆内软，同烧汁都几配合。
吉列牛忌廉苹果咖喱乌冬
$148
22 浏览
0 赞好
0 留言
初头会担心薄荷味太重，令到沙冰得个凉字冇其他味，但呢个smoothie出乎意料地好味😋薄荷凉凉地得嚟又唔少得曲奇嘅粒粒，都几有曲奇味！🍪几Surprised!
Cookie and mint
30 浏览
0 赞好
0 留言
呢杯嘢饮就少失望😢原本见到menu幅图系蓝色透明渐变，觉得几靓想打卡，点知实物就系成杯蓝色，同menu好有出入😟然后因为冇晒cream就直接俾咗杯雪糕我补返，雪糕都几香云呢拿味，但同杯梳打就唔系好夹。另外，呢杯系波子汽水味嘅梳打，好睇唔好饮，阵味有啲奇怪🥺
总括嚟讲，食物质素一般，有唔错嘅都有失望嘅。🥺不过服务态度几好，加上餐厅环境舒服，所以整体都唔错。不过以食物质素来讲，佢嘅价钱唔系咁值😢龙虾包值得一试，不过都未必有第二次。
张贴
