Pancake Colours Cafe & Bar (已結業)

父亲节个日，同屋企人睇完场戏有啲肚饿就去左pancake colours食个tea, 上次黎已经系好耐之前既事，但印象中水准不俗，所以就拣左呢间歇一歇脚。店铺装修得几有气氛，不过假日人多所以有啲嘈，menu下午茶既选择都几多，我地三人点左两个甜品，分别系草莓法式班戟及拿破仑千层。 等左一阵，食物好快就送到黎。首先个草莓法式班戟既草莓酱同个班戟既味道都几夹，之前都系食芒果班戟多，估唔到草莓同班戟都系一个唔错既配搭，加埋个透心凉既雪糕令到甜品更有层次和质感，唯一美中不足既系个班戟皮偏厚。另一个甜品系拿破仑千层。 就咁望落好似同普通饼店买到既西饼冇乜分别，但食落就会发觉佢个层次比较丰富同有口感，甜度亦适中，乃不错既选择。价钱合理，服务态度可接受，环境及食物质素中上，整体而言系喺闹市中悠闲地食个tea既不俗之选。