Aroma Dessert Cafe (已結業)

🍓鮮雜果厚pancake配玫瑰花醬及雲呢拿雪糕（ $75 ）🥞👍menu 都有寫明係pancake，唔係蛋白疏乎厘，所以比較挺身，冇出面嗰啲震得咁有動感，不過都空氣感十足，蛋味香。玫瑰花醬比較少見，所以想試下。都唔錯，有淡淡玫瑰花味。👎個cream雖然可能只係裝飾，但係食落真係麻麻哋，無cream嗰種香味同入口即溶嘅口感，唔加好過加。雜果嘅份量比較少。🌿蕃茄素肉醬蘑菇意粉（ $53 ）🍝啲汁太稀，痴唔到喺意粉上面。不過呢個價錢都算大碟抵食。餐廳比較細，位置唔多，所以落單只可以落一次。