哈比斯燒肉串和咖哩 (利景閣)

营业中

休息中

今日又黎食印度菜，估唔到系呢间叫Habib’s既铺头，竟然会遇到我人生食过最岩我口味既咖喱🙀❤️-印度菜通常都会用到大量香料，味道好复杂，有非常丰富嘅层次感，呢个就系我钟情于印度菜嘅原因。即使系同一款食物，每间餐厅嘅口味都唔同，所以我会不停发掘唔同嘅印度餐厅。今日好好彩，揾到一间好出色既印度菜餐厅👍🏻Paneer Masala with Naan呢个咖喱真系令我一试爱上，咖喱汁浓稠度啱啱好，食落香甜唔腻，完全冇油腻同饱饱滞滞嘅感觉。我食到咖喱汁有大量好似洋葱既物体，并唔系得酱汁咁简单，好足料。我平时食印度菜，都唔系太欣赏啲芝士，觉得淡茂茂咁，但呢一款 Paneer Masala 食落好似叉烧嘅口感同味道，好特别，同个酱汁一拍即合，忍唔住连啲汁都清到一滴不剩😋😋😋Wheat Naan好开心！呢度有四款唔同嘅 Naan 提供，当中有我最钟意嘅Wheat Naan。Naan 经烘烤过，表层香脆，底层口感烟un，仲好干身完全无油！Mix Meat with Rice呢份系我朋友嗌既餐，佢都大赞好味。一次过可以食晒几款肉类，配埋印度嘅薄荷酱汁捞饭，真系好惹味。