Parallel

营业中

休息中

聽聞觀塘開咗新餐廳，仲要主打半自助形式嘅沙律吧，於是今日就趁朋友生日帶佢來慶生。餐廳位置唔多，所以大家來之前一定要book位，見到現在搞活動包場仲有9折，啱一班人過來食番餐勁嘅！自助沙律 （⭐️⭐️⭐️⭐️⭐️）沙律選擇十分豐富，有最經典嘅生菜、番茄仔、薯仔沙律等等，另外有唔同冷盤，例如吞拿魚長通粉、焗南瓜等等。最吸引係竟然有海鮮，包括青口、海蝦同煙三文魚。每樣食材都非常新鮮，我地每人足足食咗兩大盤先收手，見到職員不時補充熱門食品，又會蓋上透明蓋，非常衛生專業。粟米湯 （⭐️⭐️⭐️⭐️💢）粟米湯嘅忌廉比例較高，顔色奶白，有淡淡粟米嘅清香，餐廳主張不在西湯裏加入粒粒粟米，可能唔想破壞濃湯嘅滑膩口感，整體是不錯的享受。龍蝦湯 （⭐️⭐️⭐️⭐️⭐️）龍蝦湯十分順滑，欣賞餐廳唔馬虎，過咗幾次篩。飲落每一啖都充滿濃郁嘅龍蝦鮮味，番茄味亦撲鼻而來，味道咸香得來有點蔬菜嘅甜味，非常值得加錢試一試。香煎澳洲鱸魚配甘筍薑蓉 （⭐️⭐️⭐️⭐️⭐️）餐廳細心地等待我地差不多食完頭盤才開始準備主菜，等我地食到最新鮮出爐嘅食物。欣賞餐廳擺盤精美有設計，用料上乘，鱸魚肉質嫩滑，火候控制得十分好，皮脆肉滑，魚油隱若的滲漏出來，散發淡淡芳香。底層嘅