Coffeelin (陸海通大廈)

营业中

休息中

今日🐧 来访依间位于中环嘅高质cafe❤️ 内里设计时尚美观，空间感十足，灯光调控得好好，感觉舒适又放松，好啱饮个下午茶chill 一 chill👍 㨂咗几款pastry 做下午茶😋 首先系几有特色嘅牛角包配自家制柚子吉士忌廉🤩 食落包身酥脆香口，忌廉细腻香滑，酸酸甜甜，清新又开胃，好正👍 苹果玉桂蛋糕经烘热送上，食落和暖软绵，每一啖都带有玉桂嘅芬芳🤤 配上一旁嘅云呢拿汁一齐食，香味层次更丰富🌟 苹果批造型经典美观，食落批皮酥脆松化，内里清爽嘅苹果蓉馅与批皮形成鲜明对比，口感奇佳😘 原味巴斯克蛋糕比起一般常见嘅，质感较轻盈负担较轻，蛋味出众，食落软滑细腻，唔会太腻滞，十分不错👍 提拉米苏大大杯送上❤️ 奶油忌廉与手指饼嘅比例恰到好处🌟 口感滑溜顺口，每啖都充满咖啡、可可以及奶油嘅滋味，令人回味无穷😋 㨂咗一杯餐厅特色饮料🌟 鸳鸯🌟 与港式口味有点分别，浓郁嘅奶味出众，中间夹杂淡淡嘅咖啡和茶香，颇易入口不会过苦👍 表面拉花精美悦目，啱晒打卡❤️ 汤力咖啡饮落清新醒神，浓郁嘅咖啡香配搭爽口嘅汤力水，解腻又消暑🫶