Peko Peko Eatery (海之戀商場)

营业中

休息中

去到荃湾点都会行吓海之恋，除咗行donki之外，点会唔喺度食埋饭呢～经过呢间餐厅，已经上晒圣诞装饰，环境又几靓。餐厅主打日式西餐，通常都唔会伏嘅～😎首先上菜嘅系冷盘前菜，牛油果做船仔，够晒可爱，上面仲有满满嘅蟹肉，啱晒好钟意食蟹嘅我😍食落清新唔腻，仲有啲脆芝麻，有啲咬口，够晒开胃！平时听慢煮牛肉多，慢煮八爪鱼比较少试。摆款好精美，大大只八爪鱼真系好有气势🐙，慢煮好入味，不过都有少少重口味，口感唔会因为慢煮而太稔，仲keep到有弹性，唔会似橡皮。伴碟有贝类海鲜，等你换个口味~主菜方面叫做酿鸡卷，唔好睇少佢得3旧，食落啖啖肉好饱肚，风干火腿有啲咸香，夹埋下面个番茄辣酱都唔错呢～🥔香滑松露薯蓉 跟餐+$38比我想像中大大碗😳，质感系比较实在个种，黑松露味都几昋，真系好饱肚，记得留返好多人一齐先叫啦～最后点少得个甜品呢～又想食朱古力又怕腻，搭埋橙味嘅清新就啱啱好啦～慕丝质感绵滑，朱古力甜度适当，有啲橙味就冇咁Dry～其实仲有室外位置可以选择，对住海景食晚饭都几正。但天气冻冻地我就拣坐室内，枱同枱够阔落，都系好舒服。