Lagom Kaffe (已結業)

朋友话想见爱犬，当然冇问题啦！所以，我就带左佢去KwunTong一间宠物友善餐厅。之前，都有嚟过呢间餐厅，觉得食物质素很高，而且，下午茶价钱相当便宜，性价比非常高。环境亦非常舒适。餐厅有室内和室外两个区域，因为我带狗狗，所以，同朋友就要坐室外享用下午茶。我地叫左白酒奶油三文鱼意粉，仲有一个凯撒沙律。饮品方面，叫左一杯莓莓乳酪燕麦奶盖。当然，再加埋一个士多啤梨蛋糕，先可以叫完满啦！白酒奶油三文鱼意粉～上面放了一块好厚切已煎香嘅三文鱼，煎得刚刚好，三文鱼仲可以保持嫩滑。我欣赏有埋鱼子和烟三文鱼碎伴意粉一起食，超正。凯撒沙律有面包碎粒，份量十足，都可以啦。饮品就超正，士多啤梨乳酪，真系好。。好。。。饮呀！士多啤梨蛋糕就不过不失啦。但蛋糕底饼略嫌有点厚。呢间餐厅，食物品质仍可保持，仍是我与狗狗的首选。