SENSU (已結業)

呢间餐厅系12月期间用优惠码book 晚市可以有半价优惠，大家记住留意番时间啦，有啲日子就唔用得优惠。见到有呢个推广，加上餐厅嘅嘢食卖相都几有心思，决定过嚟试一试。蟹肉咖喱乌冬（配温泉蛋）$138呢个咖喱乌冬好creamy，都食到几多蟹肉，加上有粒温泉蛋，捞完之后啲乌冬好挂汁，好好味。Snack combo $198呢个有总共九款小食，我就认为中间𠮶个炸蛋最好食。仲有和牛汉堡细细件，但系牛味好重好好味。寿司同海胆玉子就一般啦。白芝麻酱炸鸡盛合 $138呢个估唔到个份量竟然有咁多，除咗炸鸡仲有相当多嘅配菜。呢个价钱来讲可以话都几抵食，不过就始终觉得而家冬天食嘅话，配菜多数都系沙律或者冻食嘅配菜。呢间餐厅嘅嘢食都几有心思，由佢嘅摆盆睇得出佢每一份食物都几精致。价钱其实都相当合理，因为份量都几多，加上环境都坐得几舒服。同埋千祈唔好睇小佢嘅份量，以为每一样嘢只系一啖但系食下食下真系超级超级饱。加上今次去食有半价优惠，以呢个质素同埋环境真系无敌抵食。