Jacomax (已結業)

周五傍晚，契妹妈咪喺互联网上突然话好想食pizza，小肥就乘机捉咗契妹一齐去试湾仔新开间「Jacomax」，仲氹佢话如果觉得好食可以即场外卖一个返屋企俾auntie食 ，够哂方便。食店正门极之光亮，透明玻璃窗后可见一位外籍厨师（估计系意大利人）即搓即调即焗薄饼，成功吸引到企喺门外等紧巴士o既人龙及途人观赏 。店内除咗有个大型开放式pizza工作坊之外，入面o既散座其实都好有特色架 ！可能因为楼底够高，步入大门已觉大方自在。水吧身后颜色鲜艳o既合并式座位更令人眼前一亮，一边有长梳化坐，另一边有方形櫈仔，松动随意，一家大细黎都完全冇问题。墙身用上绿叶、花朵、及彩色o既动物头像装饰，大自然气息浓烈。 跟住指示进入「画廊」区域。。。就会发现原来用餐内厅以水晶吊灯照明，墙上多幅o既名画全为搞笑版 ，睇黎店主乃幽默之人。每张餐桌上已放有餐具及餐牌。当问及有否饮品餐牌时，姐姐仔亦有即时呈上，不过就好唔好意思地解释因店子未攞到酒牌，现阶段只有非酒精类饮品提供。翻阅餐牌时发现有一味甜食朱古力意粉，可惜契妹话太怪唔肯试 。点菜时原本已经拣好咗要以甜品火焰薄饼「Volcano on Fire