PizzaExpress (百合苑商場)

营业中

休息中

好耐无去餐厅食pizza，平时都系买外卖或者自己焗，是晚朋友约出黎倾下野，佢拣左去Pizza Express。餐牌实在太多野想食，一口气点左好多添🤤⭐焗面包球先来份面包球，看似平凡但非常好食😆面包松软带香味，热辣辣软绵绵再涂上半瀜牛油，好食到一球接一球食唔停。⭐鸡肉凯撒沙律罗马生菜、芝士片、烟肉、面包糠再配上凯撒沙律酱，清新爽脆又开胃，鸡肉虽然系鸡胸肉但一啲都唔鞋口，好食。⭐蒜香蚬肉扁意粉再黎有扁意粉，好香橄榄油味啊，扁意粉有嚼劲，仲吸收咗蚬肉嘅鲜味添，加上用左辣椒炒，微微辣好惹味。⭐意式肉迷薄饼最后系主角pizza，叫左meat lover口味，贪佢配料多够丰富。劲多猪面肉同猪肉丸，仲有青葱、罗勒、鼠尾草增加香味，酱汁竟然系用雅枝竹调成，香甜清新，仲有大量芝士简直系无敌好味，食食下仲食到有啲嘢硬硬哋，原来系合桃，多咗啲坚果香，出奇地同薄饼夹㖞🤤超正，食完今餐都即刻谂紧再黎食。⭐柚子柠檬梳打 & ⭐石榴梳打特饮餐厅冇水供应，要加12蚊先有有汽水无限饮，咁好似叫特饮抵啲㖞，叫咗一杯柚子一杯石榴梳打，冰冰凉凉清新舒爽，食左咁多浓味野正好去腻。叫得太多食唔晒添，哈哈，六百几蚊抵食啦。