城大食坊

营业中

休息中

今日返去城大同朋友食饭，佢就带咗我嚟Canteen食Pizza。咁去到落单就拣咗夏威夷同埋野菌杂菜pizza。加埋先８８蚊仲包４罐嘢饮。但系姐姐话佢哋系即叫即焗，所以要等返30分钟先至有得食。好彩同朋友唔算肚饿，就去咗食雪糕先。之后准时返嚟就已经焗好等我哋去拎，打开仲系新鲜热辣嘅～我自己本身麻麻哋夏威夷Pizza，所以净系食咗一件，好多菠萝，个饼皮偏硬同厚实。仲有芝士同埋火腿做配料，我觉得不过不失，未到好食都唔系好难食。野菌杂菜Pizza就开正我𠮶范，有蘑、三色椒、粟米同芝士做配料，样样我都钟意食。不过都系略嫌饼底偏硬，我都食唔到几多块，始终系攞货嘅，咁嘅价钱都无得挑剔咁多架啦。一盒佢帮你切好咗六块，我觉得细食嘅两个人分一盒已经啱啱好，唔系就会太饱啦。