Pizza Piazza (已結業)

想食pizza，走到荔枝角附近见到有间小店。即刻有位，好开心。见到好多pizza味道拣，比起连锁式嘅店更吸引。我系食肉兽，所以拣左好多肉肉嘅全肉乐园。lunch 有套餐好亲民，$88就可以拣一个pizza , 仲有汤同饮品。指定款式pizza 就加$28-$48不等。呢度嘅pizza几好食，够多芝士，辣肉肠辣辣地火腿又咸咸地。除咗Pizza呢度仲有意粉🍝、饭、沙律、小食、甜品。最钟意食凯撒沙律，呢度嘅凯撒沙律有两款，一款系可以配虾。想多少少材料就拣咗有虾，鲜虾都几大只㖞，仲有少少调味咸咸地。套餐包饮品，叫咗冻柠茶，我觉得茶味几香。呢个咁抵食嘅价钱而家香港真系好少有，而且食物味道都唔错良心小店。