影片
更多
2020-10-31
157 浏览
上Open Rice睇到有咁多赞扬嘅食评，就嚟试吓呢间所谓高质素嘅西餐，点知强差人意。佢而家做紧一个二人set$399另加10%服务费。先讲餐汤，我加$18升级要龙虾汤，质素系正常嘅，内里都有龙虾肉，菜汤就中规中举。主菜叫咗三文鱼忌廉天使面，上菜速度劲快，快到汤都未饮完就已经上咗个天使面，可惜个面身劲硬，好似未煮熟咁，三文鱼数量合理。主菜亦叫咗个辣肉肠Pizza，呢样系令我哋觉得超差嘅食物。个饼底系冧晒嘅，冧到切都切唔开，好似系急冻薄饼底再翻热咁，味道我觉得Pizza Hut个至尊必胜批都好味过佢多多声。另外个餐仲包两杯饮味，我有一杯加多$18升级特饮，点知杯升级特饮同跟餐果杯一样都系甜味剂沟疏打水。以上垃圾食物埋单五旧几水，真心觉得唔抵食，两个汤，一面一批加两杯嘢饮，质素仲要麻麻地。真系唔会再有下次，我就绝对唔会俾好评呢间餐厅。
先讲餐汤，我加$18升级要龙虾汤，质素系正常嘅，内里都有龙虾肉，菜汤就中规中举。
主菜叫咗三文鱼忌廉天使面，上菜速度劲快，快到汤都未饮完就已经上咗个天使面，可惜个面身劲硬，好似未煮熟咁，三文鱼数量合理。
主菜亦叫咗个辣肉肠Pizza，呢样系令我哋觉得超差嘅食物。个饼底系冧晒嘅，冧到切都切唔开，好似系急冻薄饼底再翻热咁，味道我觉得Pizza Hut个至尊必胜批都好味过佢多多声。
另外个餐仲包两杯饮味，我有一杯加多$18升级特饮，点知杯升级特饮同跟餐果杯一样都系甜味剂沟疏打水。
以上垃圾食物埋单五旧几水，真心觉得唔抵食，两个汤，一面一批加两杯嘢饮，质素仲要麻麻地。真系唔会再有下次，我就绝对唔会俾好评呢间餐厅。
张贴